LAMKALTU 20:21 - Lai (Hakha) Common Language Bible 2006

²¹ Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

Laibaibal Thiang (BSI)

²¹ Judah mi le Grik mi hna sin zongah an i ngaihchih i Pathian lei i an i mer nâkhnga kan Bawipa Jesuh Krih i zumhnâk an ngeih khawh nâkhnga ka theihter tawn hna,

LAMKALTU 20:21 ပူးပေါင်းရင်းမြစ်များ

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 4:17

Cu caan thawk cun Jesuh nih, “Vancung Pennak a nai cang caah, nan sualnak kha mertak cang hna u,” tiah a chimh lengmang hna.

MARKA 1:15

“A caan kha a phan cang. Pathian Pennak cu a phan dengmang cang. Nan sualnak kha kaltak hna u law Thawngṭha kha zum tuah u,” tiah a ti hna.

MARKA 6:12

Cucaah an chuak i, nan sualnak in i mer u, tiah mi kha an chimh hna.

LUKA 13:3

Asilo, nannih zong nan nunning nan ṭhinh lo ahcun anmah thih bantukin nan thi ve lai.

LUKA 13:5

A si hrimhrim lo, nannih zong nan nun nan ṭhinh lo ahcun anmah thih bantukin nan thi ve lai,” a ti.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 15:7

Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai,” tiah a ti.

LUKA 16:28

cuka ah cun chuahpi unau panga ka ngei hna i hung kal seh law annih tal cu hi nganfah innak hmun ah hin an rat nakhnga lo ralrinnak hung pe hna seh,” a ti.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 16:31

“Bawipa Jesuh kha zum law, nangmah he na innchungkhar he khamh nan si lai,” tiah an ti.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 19:17

Efesa khua i a ummi Judah mi le Grik mi vialte hna nih cu kong cu an theih i an thin a phang i Bawipa Jesuh min cu an upat chinchin.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 2:40

Peter nih cun bia dang zong tampi a chimh hna i, “Hi chan ṭhalo cungah a tlung dingmi dantatnak hin luat i zuam ko u,” tiah a forh hna.

LAMKALTU 20:23

Ka hngalhmi cu Thiang Thlarau nih a ka chimh bantukin, khua kip ah thongtlaknak le harnak nih an ka orh ko ti hi a si.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 24:24

Ni tlawmpal hnuah khin Feliks cu a nupi Drusilla he an ra; a nupi cu Judah mi a si. Paul cu ra seh tiah an hei cah i Paul nih Khrih Jesuh zumhnak kong a chimmi kha a ngaih.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 8:25

An hmuhmi le an theihmi kong an chim dih hnu le Bawipa bia kha an chim dih hnuah Peter le Johan cu Jerusalem khua ah an tlung ṭhan. Lampi ah Thawngṭha kha Samaria ram khua tampi ah an chimpah.

ROM 1:14

Miphun vialte hna sinah leiba ka ngei, a fimmi si hna seh, a hrutmi si hna seh, cathiammi si hna seh, cathiam lomi si hna seh, an dihlak cungah leiba ka ngei.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

ROM 10:9

Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

ROM 4:24

Jesuh kan Bawipa thihnak in a thawhtertu a zummi, miding in cohlan ding kanmah ca zongah hin ṭial a si ve.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

1 KORIN 1:22

Judah mi nih cun, ahmaan maw hmaan lo ti hngalh khawhnak ding caah khuaruahharnak um kha an duh, cun Grik mi hna nih cun fimnak kha an kawl,

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.

GALATI 2:16

Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

GALATI 3:22

Sihmanhsehlaw nunnak pe khotu cu Nawlbia cu a si lo, Cathiang nih, vawleicung hi a dihlak in sual ṭhawnnak tangah a um, a ti; cucaah Jesuh Khrih zumhnak thawng lawngin kamhmi laksawng cu a zummi paoh kha pek an si lai.

EFESA 1:15

Bawipa Jesuh nan zumhnak le Pathian mi hna nan dawtnak ka rak theih thawkte khan,

KOLOSE 2:5

zeicahtiah ka pum in a dang ah um hmanh ning law ka thlarau cun nan sinah ka um ko i Khrih chung i a ummi nan zumhnak ah fek tein hmunkhat ah nan dir ti kha ka hmuh caah ka lung aa lawm.

FILEMON 1:5

Hi kaa lawmhnak cu Pathian mi vialte na dawtnak hna le Bawipa Jesuh na zumhnak kong ka rak theih caah khan a si.

1JOHAN 5:1

Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

1JOHAN 5:5

Vawlei cu ahodah a tei kho? Jesuh cu Pathian Fapa a si tiah a zummi lawng nih an tei khawh.