LAMKALTU 2:43 - Lai (Hakha) Common Language Bible 2006

⁴³ Lamkaltu hna kha Pathian nih khuaruahharnak le hmelchunhnak tampi a tuahter hna i cu nih cun mizapi kha ṭihnak in a khahter hna.

Laibaibal Thiang (BSI)

⁴³ Cuticun Lamkaltu hna hmangin khuaruahharnâk le hmelchunhnâk kha tuah a si i mi vialte cungah ṭihnâk a tlung.

LAMKALTU 2:43 ပူးပေါင်းရင်းမြစ်များ

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

MARKA 16:17

A zummi pawl cu hi ṭhawnnak hmelchuhnak hi pek an si lai: ka min in khuachia an ṭhawl khawh hna lai, holh theih loin an holh lai,

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

LUKA 8:37

Cu tikah Gerasa ram i a ummi hna nih cun an ṭih ngaingai caah an zapi in Jesuh cu, kal ko tiah an nawl. Cucaah Jesuh cu lawng chungah khan a lut i a kal.

JOHAN 14:12

Biatak kan chimh hna: Keimah a ka zummi paoh nih ka tuahmi thil hi an tuah khawh ve lai — hi hna nakin a ngan deuhmi hmanh an tuah khawh hna lai, zeicah ti ahcun, ka Pa sinah ka kal lai caah a si.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

LAMKALTU 4:33

Lamkaltu hna nih khan Bawipa Jesuh thihnak in a thawhṭhannak kong kha fak piin an chim i Pathian nih an dihlak in thluachuahnak tampi a pek hna.

LAMKALTU 5:5

Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

LAMKALTU 9:34

Peter nih cun a thawh i, “Ainias, Jesuh Khrih nih an damter cang. Tho law na ihphah kha zual,” tiah a ti. Chikkhatte ah khin Ainias cu a tho.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.