LAMKALTU 2:23 - Lai (Hakha) Common Language Bible 2006

²³ Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

Laibaibal Thiang (BSI)

²³ Amah kha Pathian nih a rak ruah cia ning le a rak hngalhchung cang bantukin, nannih nih nawlbuartu hna kutah tlaihterin nan khenhchih i nan thah;

LAMKALTU 2:23 ပူးပေါင်းရင်းမြစ်များ

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

MATTHAI 27:35

Vailam ah cun an khenh chih i a thilpuan kha phe ah an i kah i an i ṭhen.

MARKA 15:24

Cuticun vailam ah cun an khenh chih i a puan kha an i phaw i aho nih dah a zei zawn hi a co lai tinak caah, camcawh fung in an zuh.

LUKA 22:22

Pathian nih a khiah cia bantukin Mi Fapa cu a thi lai, sihmanhsehlaw a rawitu caah cun ṭihnung a va si hringhran dah!” tiah a ti.

LUKA 22:37

Zeicahtiah Cathiang nih, ‘Amah cu misual mi hna sinah rel chih a si cang,’ tiah a timi kha ka kong ah hin a tlin awk a si. Ka kong an rak ṭialmi vialte kha a tling cuahmah cang,” tiah a ti.

LUKA 23:33

Cun “Lu Ruh” an timi hmun kha an phak tikah Jesuh cu vailam ah an khenh chih i misual pahnih hna zong kha a orhlei ah pakhat a kehlei ah pakhat an khenh chih ve hna.

LUKA 24:20

Kan tlangbawi upa pawl hna le a kan uktu bawi hna nih thah awkah an chanh i cun vailam ah khan an khenh chih.

JOHAN 19:18

Cuka ah cun vailam cungah khan an khenh chih; midang pahnih zong a kehlei ah pakhat a orhlei ah pakhat, an tah ve hna i Jesuh cu an karlak ah a um.

JOHAN 19:24

Ralkap nih cun, “Hi hi cu thlek hlah u sih, camcawhfung tu in zuk u sih,” tiah an i ti i cuticun Cathiang nih, “Ka hnipuan cu an i ṭhen i Ka angki caah camcawhfung an zuh,” tiah a timi kha a hung tling. Cuticun ralkap nih cun an tuah.

LAMKALTU 13:27

Zeicahtiah Jerusalem i a ummi hna le an hruaitu hna nih khan amah cu Khamhtu a si kha an hngal lo i cuhleiah Sabbath fate an rel lengmangmi profet bia hna zong kha a sullam an hngal hna lo. Sihmanhsehlaw Jesuh an thahnak thawng khan profet bia kha an tlinter hna.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

LAMKALTU 3:18

Pathian nih hlan lio pi in a profet vialte hna sin khan, ka Messiah nih cun fahnak a in lai, ti kha a rak thanh chung cang i cu a bia cu hiti ning hin a tlinter.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

LAMKALTU 5:30

Nannih nih Jesuh cu vailamtahnak i nan thah hnuah kan pupa hna Pathian nih thihnak in a thawhter ṭhan.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

ROM 2:12

Jentail mi nih Moses nawlbia kha an ngei lo, cucaah an sual tikah Nawlbia loin an tlau; Judah mi nih cun Nawlbia kha an ngei, cucaah an sual tikah Nawlbia ningin sualphawt an si.

ROM 4:17

Zeicahtiah Cathiang nih, “ ‘Nangmah cu miphun tampi hna pa ah kan ser cang,’ a ti,” tiah a ti bantuk khan, Abraham cu kan dihlak pa a si. Cucaah hi biakamnak cu Pathian hmaiah khan a fek i cu Pathian cu a zumhmi Pathian cu a si; mithi kha a nunter i a um lomi thil a bia in a umtertu kha a si.

1THESALON 2:15

Judah mi cu Bawipa Jesuh le profet hna a rak thattu le kanmah hremnak a kan petu kha an si. Zeitluk in dik Pathian a ngaih an hei chiatter! Annih cu an minung hawi ral an si.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.