LAMKALTU 2:2 - Lai (Hakha) Common Language Bible 2006

² Chikkhatte ah khin van in aw pakhat a rung i a thawng cu thlitu fak piin a hrangmi thawng bantuk a si i an ṭhutnak inn kha a khat dih.

Laibaibal Thiang (BSI)

² Hmakhat teah van in thawng, a ṭhawngmi thlitu hrân thawng bantukin a rak phân i an ṭhutnâk inn cu a khat dih.

LAMKALTU 2:2 ပူးပေါင်းရင်းမြစ်များ

1 SIANGPAHRANG 19:11

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun Bawipa cu a lan i a thlichia a hrang ciammam i tlang cu a cheu i Bawipa hmaiah cun lung hna cu a khuai cikcek hna, sihmanhsehlaw Bawipa cu thli chungah cun a um lo; cun thli a hran dih cun li a hnin, sihmanhsehlaw Bawipa cu lihnin chung zongah cun a um lo;

SALM 18:10

Cherubim kha aa cit hna i a rung zuang, thlitu kha a thla in aa cit i khulrang in a choi.

SOLOMON HLA 4:16

Chim thli tho in zo thli rung hrang law, Kei ka dum chung thei ṭha rimhmui cu, Kalpi ko hna i zel chialmal in; Lungthli ka tum val nih dum ah i chawk in, ei seh thei ṭha cem hna cu.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

LUKA 2:13

Cu cangka cun vancung ralkapbu nganpi cu vancungmi sinah khan an rung lang i Pathian kha hla in an thangṭhat:

JOHAN 3:8

Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.

LAMKALTU 2:3

Cun meizik he aa lomi leiṭe an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu.

LAMKALTU 2:6

Cu thawng cu an theih tikah mi tampi an i pum. A zummi hna an holh tikah khan midang aa pum vemi hna nih khan kanmah holh in an holh, tiin an rak theih cio tikah khan an khuaruah a har ngaingai.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.