LAMKALTU 2:10 - Lai (Hakha) Common Language Bible 2006

¹⁰ Frizia ram hna, Pamfilia ram hna, Izipt ram hna le Libia ram chung i a ummi Sairin khua pawng ram hna in a rami kan si; cun a cheu cu Rom khua in a rami kan si,

Laibaibal Thiang (BSI)

¹⁰ Frizia, Pamfili, Izip le Libia ram chung i Sairin khua pawng rammi kan si, cun Rom khua in a rami,

LAMKALTU 2:10 ပူးပေါင်းရင်းမြစ်များ

GENESIS 12:10

Sihmanhsehlaw cuka ram ah cun rawl a um lo i mangṭam cu a fah ngaingai caah Abram cu Izipt ram i caan tlawmpal vung um ta awkah khan thlanglei kha a panh chin lengmang.

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

JEREMIAH 46:9

Maw rangcung ralkap hna, nam u, Maw rangleng hna, nan biatak chuah u! Ralkap bu, hmaiah fong tuah u; Ethiopia mi hna le phaw aa putmi Put mi hna. Likuk hruai cia in aa tlaihmi Lidia mi hna, chuak tuah u.

EZEKIEL 30:5

Kush le Put le Lud, Arab mi vialte le Libia mi vialte le a ṭangṭimi ram vialte hna cu, Amah he cun vainam in an thi dih lai.

DANIEL 11:43

Izipt nih aa thuhmi a sui vialte hna le a ngun vialte hna le a ro vialte hna cu aa kalpi hna lai i Libia ram le Ethiopia ram zong kha a tei hna lai.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

ZEKHARIAH 8:20

Ralkapbu Bawipa bia cu hihi a si. Miphun dangdang hna le khuapi chung i a ummi hna kha an ra lai;

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

MATTHAI 2:15

Cuka ah cun Herod a thih tiang an um. Hi thil cu Bawipa nih profet ka in, “Ka Fapa cu Izipt ram in chuah awkah ka auh,” a timi bia tlinnak caah khan a si.

MATTHAI 23:15

Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter.

MATTHAI 27:32

Cun lam ah khan Sairin khuami Simon kha an ton i a vailam tahnak thing kha hramhram in an putter.

MARKA 15:21

Lampi ah mipa pakhat a min Simon a simi, khuate lei in Jerusalem leiah a kalmi kha an ton. Amah cu Jesuh vailam tahnak thing kha an hnek i an putter. (Hi Simon hi Sairin khuami Alekzandar le Rufas pa kha a si).

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 13:13

Paul le a hawile hna cu Pafos khua khan tilawng in an kal i Pamfilia ram Perga khua kha an phan; khika khan Johan Marka nih a kirtak hna i Jerusalem khua ah a tluntak hna.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 14:24

Pisidia ram kha an ṭol dih in Pamfilia ram kha an phan.

LAMKALTU 15:38

sihmanhsehlaw an khual tlawnnak a dongh tiang a rak zulh hna lo i Pamfilia in a rak kirtak hna caah khan Paul nih i kalpi awk cu a ṭha tiah a ruat lo.

LAMKALTU 16:6

Asia ram chungah Thiang Thlarau nih Thawngṭha kha chim awkah a onh hna lo caah Frizia le Galatia ram chungah khan khual cu an tlawng.

LAMKALTU 17:21

(Athens khuami hna le khika i a ummi ramdangmi vialte hna cu thil thar bik kong paoh, i chimh i ruah le va ngaihnak ah an caan vialte a hmang dihmi an si).

LAMKALTU 18:2

Khika ah khan Pontas ram i a chuakmi Akuila kha a va ton, amah cu a nupi Prisilla he khan cu laite ah cun Rom khua in an rak zaam, zeicahtiah Siangpahrang Klaudias nih khan Judah mi vialte kha Rom khua in chuak dih u tiah a ṭhawl hna. Paul nih cun a va leng hna i

LAMKALTU 18:23

Cuka ah caan tlawmpal a um hnuah aa thawh ṭhan i Galatia le Frizia ram kha a tlawng hna i zumtu vialte kha thazang a pek hna.

LAMKALTU 2:11

Judah mi kan si ah, Judah phun aa hrawmmi Jentail mi kan si ah, cun a cheu cu Krit tikulh le Arabia ram in a rami kan si fawn — asinain Pathian nih thil lianngan a tuahmi hna kha an chim tikah an chimmi cu kan holh in an chim tiin kan theih cio hna,” tiah an ti.

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

LAMKALTU 27:5

Rili cu Silisia le Pamfilia zawn khan kan tan i Lisia peng i Mira khua kha kan phan.

LAMKALTU 28:15

Rom khua i a ummi unau pawl nih kan thawng kha an rak theih i Appius Chawdawrnak Hmun timi hmun le Khual Buk Pathum tiang khan an rak kan don. Paul nih a hmuh hna tikah Pathian kha a lawmh i a thazang a tlung.

LAMKALTU 6:5

Lamkaltu hna nih an chimmi cu an dihlak in an lung a si i cucaah zumhnak le Thiang Thlarau in a khatmi Steven, Filip, Prokhoras, Nikanor, Timon, Parmenas le Antiok khuami Jentail mi Nikolas, Judah phung a zulmi kha an thim hna.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

ROM 1:15

Cucaah cun nannih Rom khua i a ummi sin zong i Thawngṭha chim ka duhnak cu a si.

ROM 1:7

Cucaah Pathian nih a dawt i amah mi si dingah an kawhmi hna, Rom khua i a ummi nan dihlak in ca kan kuat hna: Pathian kan Pa le Bawipa Jesuh Khrih nih vel le daihnak cu in pe ko hna seh.

2TIMOTE 1:17

Rom khua a phak cangka, a ka hmuh hlan lo a ka kawl.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.