LAMKALTU 19:8 - Lai (Hakha) Common Language Bible 2006

⁸ Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

Laibaibal Thiang (BSI)

⁸ Paul cu sinagog ah â pum i thlathum chung ralṭha in bia a chim tawn. Pathian Pennâk kong kha a chimh hna i mi lungthin kha a tei tawn.

LAMKALTU 19:8 ပူးပေါင်းရင်းမြစ်များ

LAMKALTU 1:3

A thih hnuah ni sawm li chung an sinah voi tampi a lang i a nung ṭhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna.

LAMKALTU 13:14

Perga cun an hei kal i Pisidia ram Antiok khua kha an phan; cun Sabbath ni ah pumhnak inn ah khan an kal i an ṭhu.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

LAMKALTU 14:1

Cu bantuk ṭhiamṭhiam cun Ikonium khua zongah a si: Paul le Barnabas cu Judah mi pumhnak inn ah khan an va kal i bia kha an chimh hna i Judah mi le Jentail mi mi tampi kha zumtu ah an i cang.

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

LAMKALTU 18:19

Efesa khua kha an phan i khika ah Paul nih khan Prisilla le Akuila kha a kaltak hna. Pumhnak inn chungah khan a lut i Judah mi kha bia a chimh hna.

LAMKALTU 18:26

Pumhnak inn ah khan ralṭha ngaiin a cawnpiak hna. Cun amah cu Prisilla le Akuila nih khan an theih tikah an inn ah an kalpi i Pathian Lam kong kha hmaan deuh chin in an cawnpiak.

LAMKALTU 18:4

Sabbath fate pumhnak inn ah khan Judah mi he Grik mi he, an lung pemter awkah bia a chimh lengmang hna.

LAMKALTU 19:10

Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

LAMKALTU 19:7

Annih cu an dihlak in pa pahleihnih tluk an si.

LAMKALTU 19:9

Sihmanhsehlaw annih lak i a cheukhat cu an lung a khong i an zum duh lo; Bawipa Lam kong kha zapi hmaiah a ṭhalo tiah an ti. Cucaah Paul nih khan a chuahtak hna i zultu pawl kha aa kalpi hna; ni fate in Tirannas biachimnak inn timi ah khan mi kha a cawnpiak hna.

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.