LAMKALTU 19:34 - Lai (Hakha) Common Language Bible 2006

³⁴ Sihmanhsehlaw Judah mi a si kha an hngalh tikah an dihlak cun an au bon khan suimilam pahnih chung an au i, “Efesa khua i a ummi Artemis cu a lianngan ko,” an ti.

Laibaibal Thiang (BSI)

³⁴ Asinain Judah mi a si kha an hngalh le cângkâ mi vialte nih suimilam pahnih chung hrawng, “Efesa khua i Diana hi a lianngan bik,” tiah an au.

LAMKALTU 19:34 ပူးပေါင်းရင်းမြစ်များ

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

MATTHAI 6:7

“Thla nan cam tikah, Pathian bia lomi nih sullam a ngei set lomi bia tampi an hman bantukin va hmang ve hlah u, annih nih cun kan thlacam a sau ruangah hin Pathian nih a kan theihpiak deuh lai, tiah an ruah.

LAMKALTU 16:20

Rom mi a simi biaceih bawi hna hmaiah khan an chuahpi hna i, “Hi mi hna hi Judah mi an si i kan khua chungah hnahnawhnak an tuah.

LAMKALTU 19:24

Ngun sosertu pakhat, a min Demetrius a simi nih khan Artemis khuazingnu biakinn lem tete kha ngun in a ser hna i cu rian nih cun a rianṭuantu pawl kha tampi miaknak a pek hna.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

LAMKALTU 19:28

Aa pummi hna nih cun cu bia cu an theih tikah an thin a hung ciammam i an au i, “Efesa i a ummi Artemis cu a lianngan ko,” an ti.

LAMKALTU 19:33

Judah mi nih Alekzandar kha hmailei ah an hei chuahter caah khan, hi thil a chuahtertu hi Alekzandar cu a si rua tiah an ruah. Alekzandar nih cun mizapi cu, dai u, tiah a kut a hun zaoh hna i an hmaiah cun aa runvennak bia kha chim hram a hun thawk.

LAMKALTU 19:35

A donghnak ah khua cazi nih khan mizapi cu a daihter khawh hna. A thawh hna i, “Efesa khuami hna, Efesa khua hi a liannganmi Artemis biakinn a umnak le vancung in a rung tlami lung thiang a umnak a si ti kha ahodah a hngal lomi a um?

ROM 2:22

“Va cungin pa i duh hlah u,” a titu hna, zeicahdah nan i duh kun? Siasal a fihmi hna, zeicahdah siasal biakinn cu nan ramh kun hna?

BIAPHUAN 13:4

Limkeng nih khan a nawlngeihnak cu sahrang kha a pek caah mi vialte nih limkeng cu an biak. Sahrang zong cu an biak i, “Sahrang bantuk hi ahodah a um hnga? Aho nih dah an doh khawh lai?” an ti.