LAMKALTU 19:13 - Lai (Hakha) Common Language Bible 2006

¹³ Judah mi a cheu khuachia ṭhawl i aa chawk lengmangmi hna nih khan cu khuachia ṭhawlnak ah cun Bawipa Jesuh min kha an hman ve. Khuachia cu an thawh hna i, “Paul nih a chimmi Jesuh min in chuak kaan ti,” an ti hna.

Laibaibal Thiang (BSI)

¹³ Cuticun Khuachia ṭhawl ah a vak lengmangmi Judah mi zeimaw nih Paul chimmi Jesuh min in chuak u tiah Bawipa Jesuh min kha a rak hman ve.

LAMKALTU 19:13 ပူးပေါင်းရင်းမြစ်များ

GENESIS 4:12

Lo na thlawh tikah vawlei nih rawl zeihmanh an chuahpiak lai lo; vawlei cungah inn ngei loin a vak lengmangmi na si lai,” a ti.

GENESIS 4:14

Hi ram le nangmah hmaika in na ka ṭhawl i kei cu mivakvai ka si cang lai i a ka hmumi paoh nih an ka thah lai,” tiah a leh.

1 SIANGPAHRANG 22:16

Sihmanhsehlaw siangpahrang nih a thawh i, “Biatak dah ti lo cu Bawipa min in ka sin i zeihmanh na chim lo awkah voi zeizat dah bia kan kamter lai?” tiah a ti.

SALM 109:10

A fale cu inn ngei loin a vak lengmangmi rawlhal si hna seh; thilchia hlonhnak ah khan um hna seh law, cu an umnak hmun hmanh cun ṭhawl si rih hna seh.

MATTHAI 12:27

Nannih nih nan ka thawh i khuachia ka ṭhawl khawh hna cu Beelzebul nih ṭhawl khawhnak nawl kha a pek caah a si, nan ka ti. Cucu va si seh law, nanmah zultu hna kha tah aho nih dah ṭhawl khawhnak kha an pek hna? Nanmah zultu lila hna i nan tuahnak nih pei nan palhnak cu an langhter ko hi.

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.

MARKA 5:7

fak piin a au i, “Cung Nung Bik Pathian Fapa Jesuh, zeidah na ka duhnak a um? Zei kan ti hnga, dan cu ka tat sawh hlah,” tiah a ti.

MARKA 9:38

Johan nih a thawh i, “Saya, na min in khuachia a ṭhawlmi pakhat kan hmuh i kan bu chungmi a si lo caah, tuah ti hlah, kan ti,” tiah a chimh.

LUKA 11:19

Ka ṭhawlning hna cu hitihin a si ahcun, nanmah nan zultu hna nih khan tah zeitindah an ṭhawl kun hna? Nanmah nan zultu hna lila nih pei nan palh diam ti kha an langhter ko cu.

LUKA 9:49

Johan nih a hun i thawh i, “Saya, nangmah min in khuachia a ṭhawlmipa pakhat kan hmuh i kanmah bu chungmi a si lo caah kan thlauh,” tiah a ti.

LAMKALTU 19:14

Cu bantukin a tuahmi cu, Judah mi Tlangbawi Ngan Skeva fapa pasarih an si.

2 KORIN 11:4

Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.