LAMKALTU 18:6 - Lai (Hakha) Common Language Bible 2006

⁶ Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

Laibaibal Thiang (BSI)

⁶ Asinain an rak doh i an thangchiat tikah a puan a thinhnawh hna i an sinah, “Nan thisen mawh cu nan lucung ah tla seh, kei cu ka thiang. Atu thawk in Gentel hna sinah ka kal cang lai,” tiah a ti.

LAMKALTU 18:6 ပူးပေါင်းရင်းမြစ်များ

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

NEHEMIAH 5:13

Ka puan zong kha ka thin i. “Hi biakamnak a tuah lomi paoh cu hi bantukin an inn cio le an rian cio in Pathian nih thing ko hna seh. Cu bang cun thin si ko hna seh law, lawngkarao in chiah si ko hna seh,” ka ti. Cun aa pummi vialte nih, “Amen,” an ti i Bawipa kha an thangṭhat. Cun mi nih bia an i kam bangkhan an tuah.

EZEKIEL 18:13

a miak le a karh in lei a cawihmi, hi bantuk mi cu a nung lai lo. Hi thil fihnung vialte hi a tuah hna caah a thi lai i a thisen kha a lu cungah a tla ko lai.

EZEKIEL 33:4

sihmanhsehlaw pakhatkhat nih cu cu zei ah a rel lo i ral nih an phanh ahcun, amah cung i a tlungmi kongah amah cu mawhchiat awk a si ko lai.

EZEKIEL 33:6

Sihmanhsehlaw ralvengtu nih ral an rat a hmu nain a muko kha tum lo in zapi kha ralrinnak a pek hna lo ahcun, thahmi paoh kha an sualnak pi he thah chih an si ko lai; sihmanhsehlaw kha hna an thih ruangah khan ralvengtu kha mawhchiat a si lai, a ti.

LEVITIKAS 20:9

Zeitintiah a nu siseh, a pa siseh, chiat a serhmi paoh cu thah awk a si lai; a nu siseh, a pa siseh, chiat a serh cang hna, an thisen cu amah cungah a si.

MATTHAI 10:14

Cun innchungkhar pakhatkhat nih siseh, khua pakhatkhat nih siseh, an in tlunter duh hna lo ahcun, cuka hmun cu va kaltak u law nan ke i aa behmi leidip kha va thing u.

MATTHAI 21:41

“Cu miṭhalo hna cu a thah hrimhrim hna lai i a theitlai a pe dingmi midang kha dum cu a hlanh hna lai,” tiah an leh.

MATTHAI 21:43

Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.

MATTHAI 22:10

Cucaah a sinum hna cu zatlang lampi ah khan an va kal i an hmuhmi hna paoh kha, a chia a ṭha thlu loin, an va pumh hna i rawl danghnak khaan cu mi an khat dih.

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

LUKA 22:65

Cuticun nihsawhnak bia kha a cungah tampi an chim.

LUKA 9:5

tluninn an in onh duh hna lonak khua paoh cu, nannih nih va kaltak ko u law annih kha ralrinnak peknak caah nan ke beh leidip kha va khawnhnawh hna u,” tiah a ti.

LAMKALTU 13:51

Lamkaltu hna nih khan an kebeh cu an khawnhnawhtak hna i Ikonium ah an kal.

LAMKALTU 26:11

Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

ROM 3:29

Asiloah, Pathian cu Judah mi hna Pathian lawng maw a si? Jentail mi hna Pathian tah a si ve lo maw? Si hen ta!

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.

1 PETER 4:4

Cun atu cu Lawkihmi hna kha, cu bantuk nunning ah cun nan telpi duh ti hna lo caah an khuaruah a har i nannih kha an in serhsat hna.