LAMKALTU 18:5 - Lai (Hakha) Common Language Bible 2006

⁵ Silas le Timote kha Masidonia ram in an rak phanh tikah Paul nih a caan kha a dihlak in phungchimnak ah khan a hman i Jesuh cu Messiah kha a si ti kha Judah mi kha a chimh lengmang hna.

Laibaibal Thiang (BSI)

⁵ Sailas le Timote cu Mesidonia ram in an rak phâk hnuah Paul cu Thlarau nih a namchih ruangah, Judah mi hna sinah Jesuh cu Krih a si tiah a chim tawn.

LAMKALTU 18:5 ပူးပေါင်းရင်းမြစ်များ

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JEREMIAH 6:11

Bawipa, na thinhunnak cu ka chungah a khat, A in in ka ing kho ti lo,” ka ti. Cu tikah Bawipa nih a ka thawh i, “Ka thinhunnak cu khua lak i aa chawkmi ngakchia hna cungah le Aa pummi tlangval hna cungah khan bung ko kun. Pasal si hna seh, nupi si hna seh, cu chungah cun an i tel ve lai i A tar ngaingaimi ṭuakparmi hna zong kha an i tel ve ko lai.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

MIKAH 3:8

Sihmanhsehlaw kei tu cu Bawipa thlarau nih ṭhawnnak le bia khiah thiamnak le ral ṭhatnak in a ka khahter i Israel mi hna cu an sualnak kha zeidah a si tiah ka chimh hna.

LUKA 12:50

Tipil in awk pakhat ka ngei i cucu a dih hlanah cun ka lungre a va thei dah.

LUKA 16:28

cuka ah cun chuahpi unau panga ka ngei hna i hung kal seh law annih tal cu hi nganfah innak hmun ah hin an rat nakhnga lo ralrinnak hung pe hna seh,” a ti.

JOHAN 1:41

Andru nih a tuah hmasa bikmi thil cu a u Simon va kawl kha a si i, “Messiah cu kan hmuh cang,” tiah a ti. (Messiah cu Khrih tinak a si).

JOHAN 10:24

Judah mi nih khan an fuh i, “Zei can dah lungawṭawm in na kan chiah lai? Biafiang kan chim: Messiah cu na si maw?” an ti.

JOHAN 15:27

Cun nannih zong nih a hramthawk tein ka sin i a ummi nan si caah keimah kong kha nan chim ve lai.

JOHAN 3:28

‘Kei cu Messiah cu ka si lo, a hmai i rak thlah chungmi lawng ka si,’ tiah ka timi kha nanmah pei a hngaltu cu nan si kha.

LAMKALTU 10:42

Cun mi sinah Thawngṭha chim awk le amah cu Pathian nih a nungmi he a thimi he an biaceihtu ah a ser cang ti tehte khaangtu ah a kan fial.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 16:1

Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

LAMKALTU 16:12

Cuka cun ram chungah khan kan lut i Filipi khua kan phan, Filipi khua cu Masidonia ram chung i a um vemi peng peng khat a khualipi a si; cun Rom mi hna ram thar zong a si fawn. Cu khua ah cun ni thum li kan cam.

LAMKALTU 16:9

Cu zan ah cun Paul nih langhnak pakhat a hmuh i cu ah cun mipa pakhat, Masidonia mi a simi kha a dir i, “Masidonia leiah hin ra law ra kan bawm,” tiah a ti lengmangmi kha a hmuh.

LAMKALTU 17:3

Messiah cu thihnak a in awk le a thawh ṭhan awk a sinak kong kha Cathiang cun a langhter i a fianter. Paul nih cun a thawh hna i, “Hi kan chimhmi hna Jesuh hi Messiah cu a si,” tiah a ti hna.

LAMKALTU 18:28

Zeicahtiah bia al lei i a ṭhawn caah khan Judah mi cu zapi hmai i bia i al tikah a tei lengmang hna i Cathiang chung khan Jesuh cu Messiah kha a si, ti kha a langhter.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 20:23

Ka hngalhmi cu Thiang Thlarau nih a ka chimh bantukin, khua kip ah thongtlaknak le harnak nih an ka orh ko ti hi a si.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 4:20

Zei ti si hmanh ah kannih nih cun kanmah hrimhrim nih kan hmuh komi le kan theih komi cu chim lo cun kan um kho bal lai lo,” an ti hna.

LAMKALTU 9:22

Sihmanhsehlaw Saul phungchimmi cu a ṭhawng chin lengmang i Jesuh cu Messiah a si tiah a chim khawhnak kha mi lung a fianter tuk caah Damaskas khua i a ummi Judah mi hna nih khan an let kho lo.

2 KORIN 1:19

Zeicahtiah Silas le Timote le keimah nih kan in chimhmi hna Jesuh Khrih, Pathian Fapa cu, “E, e,” “Ai, ai,” aa cawhmi a si lo. Amah cu Pathian “E” a si ko;

2 KORIN 11:9

Nan sin i ka um lioah khan, phaisa ka herh tikah nanmah cu hna kan hnawh hna lo, Masidonia in a rami kan unau pawl nih ka herhmi vialte cu tlamtling tein an rak ka phorh. Kan hnulei i a si cang bantukin kan hmailei zongah siseh ti ka duh: nan caah thilrit ka si bal lai lo.

2 KORIN 5:14

Mi vialte caah mi pakhat a thi i a thihnak ah cun mi vialte an thi ve ti kha kan hngalh caah Khrih nih kan ca i a ngeihmi dawtnak nih cun a kan uk.

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.

1 PETER 5:12

Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.