LAMKALTU 18:28 - Lai (Hakha) Common Language Bible 2006

²⁸ Zeicahtiah bia al lei i a ṭhawn caah khan Judah mi cu zapi hmai i bia i al tikah a tei lengmang hna i Cathiang chung khan Jesuh cu Messiah kha a si, ti kha a langhter.

Laibaibal Thiang (BSI)

²⁸ zatlâng hmai ah Judah mi hna cu holh kho loin a el tawn hna i Cathiang hmangin Jesuh cu Krih a si tiah a langhter tawn.

LAMKALTU 18:28 ပူးပေါင်းရင်းမြစ်များ

LUKA 1:80

Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

LAMKALTU 17:3

Messiah cu thihnak a in awk le a thawh ṭhan awk a sinak kong kha Cathiang cun a langhter i a fianter. Paul nih cun a thawh hna i, “Hi kan chimhmi hna Jesuh hi Messiah cu a si,” tiah a ti hna.

LAMKALTU 18:25

Bawipa Lam kong kha hngal cikcek tein cawnpiakmi a si i Jesuh kong kha lungtho ngaiin a chim i hmaan tein mi kha a cawnpiak hna. Sihmanhsehlaw Johan tipilnak lawnglawng kha a hngalh.

LAMKALTU 18:5

Silas le Timote kha Masidonia ram in an rak phanh tikah Paul nih a caan kha a dihlak in phungchimnak ah khan a hman i Jesuh cu Messiah kha a si ti kha Judah mi kha a chimh lengmang hna.

LAMKALTU 8:35

Filip nih cun a vun i thawh i, hi Baibal cang hin i thawk in Jesuh kong Thawngṭha kha a chimh.

LAMKALTU 9:22

Sihmanhsehlaw Saul phungchimmi cu a ṭhawng chin lengmang i Jesuh cu Messiah a si tiah a chim khawhnak kha mi lung a fianter tuk caah Damaskas khua i a ummi Judah mi hna nih khan an let kho lo.