LAMKALTU 18:27 - Lai (Hakha) Common Language Bible 2006

²⁷ Apollo nih cun Grik ram kal kha aa tim, cucaah Efesa khua chung i a ummi a zummi hna nih khan Grik ram i a ummi an unau hna cu ca an kuat hna i amah cu rak conglawmh u tiah an forh hna. Khika ah a phak tikah Pathian velngeihnak thawngin zumtu a simi hna caah khan bawmtu ngaingai a si.

Laibaibal Thiang (BSI)

²⁷ Akai ram ah kal â tim, an rak cohlan nâkhnga zultu hna sinah ca an ṭialpiak, a va phâk tikah, Pathian zângfahnâk ruangah zumtu kha tampi in a bomh hna;

LAMKALTU 18:27 ပူးပေါင်းရင်းမြစ်များ

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 15:34

Asinain Silas cu khika um ding khan aa khiak.)

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

LAMKALTU 19:1

Apollo kha Korinth khua i a um lioah Paul cu kha peng chungah khan khual a tlawng i Efesa khua kha a phan. Khika ah zultu tlawmpal kha a va hmuh hna i

LAMKALTU 9:27

Khi tikah Barnabas nih khan amah cu a bawmh i lamkaltu pawl sinah khan a kalpi. Zeitindah Saul nih lampi ah Bawipa a hmuhnak kong le Bawipa nih a sinah bia a chimnak kong tehna kha a chimh hna. Damaskas khua i Saul nih ralṭha ngaiin Jesuh min in phung a chimnak zong kha a chimh hna.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 16:3

ka rat tikah nanmah hnatlami kha Jerusalem khua i nan laksawng cu hei phorh awkah ca he ka thlah hna lai.

1 KORIN 3:6

Kei nih a ci ka tuh, Apollo nih a kung kha ti a toih, sihmanhsehlaw a ṭhantertu cu Pathian a si.

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

FILIPI 1:25

Cucu nan caah a ṭha deuh ti kha fiang tein ka hngalh caah nung ko rih ning. Zumhnak i nan ṭhannak le nan i lawmhnak kha chap awkah nan sinah ka nung ko rih lai.

FILIPI 1:29

Khrih ca rianṭuan thiah nan si tikah, a zumh lei lawng hi si loin a ca i temhinnak hmuh ding zong hi a si chih.

KOLOSE 2:12

Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.

KOLOSE 4:10

Ka thongtlahawi i a simi Aristarkas nih nan kut an tlaih hna; cun Barnabas tupa Marka zong nih an tlaih ve hna. (Nan khua lei i a rat sual ahcun ṭha tein rak conglawmh u tiah tinak bia kha nan hmuh cang).