LAMKALTU 18:25 - Lai (Hakha) Common Language Bible 2006

²⁵ Bawipa Lam kong kha hngal cikcek tein cawnpiakmi a si i Jesuh kong kha lungtho ngaiin a chim i hmaan tein mi kha a cawnpiak hna. Sihmanhsehlaw Johan tipilnak lawnglawng kha a hngalh.

Laibaibal Thiang (BSI)

²⁵ Cu pa cu Bawipa kong cawnpiak cangmi a si, ṭhahnem a ngaimi a si caah Bawipa kong cu ṭhahnem ngai ngaiin, a cawnpiak tawn, asinain Johan Baptisma kong lawng a theih.

LAMKALTU 18:25 ပူးပေါင်းရင်းမြစ်များ

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

SALM 119:1

An nunning ah soisel awkj mi lunglawm an si.

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

ISAIAH 40:3

Aw pakhat nih, “Bawipa caah ramcar chungah lam pakhat sial u! Kan Pathian caah thetse ram i lam cu sial u.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

MARKA 1:3

Cun mi pakhat kha ramlak ah a au i, ‘Bawipa lam kha rak remh tuah u, A kalnak ding lam kha ding tein rak ser u,’ a ti,” bantuk kha a si taktak.

MARKA 12:14

A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

LUKA 1:4

A chimh zong an in chimh len cangmi kong biatak kha a ningcang tein na hngalh khawh nakhnga, tiin hi ca hi kan kuat.

LUKA 7:29

Mi zapi le ngunkhuai khawltu hna nih khan a bia cu an theih; anmah cu Pathian bia kha a ngai i tipilnak a ingmi cu an si.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

LAMKALTU 16:17

Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

LAMKALTU 18:26

Pumhnak inn ah khan ralṭha ngaiin a cawnpiak hna. Cun amah cu Prisilla le Akuila nih khan an theih tikah an inn ah an kalpi i Pathian Lam kong kha hmaan deuh chin in an cawnpiak.

LAMKALTU 19:23

Hi caan lioah hin Bawipa Lam kong ah Efesa khua chungah hnahnawhnak a um.

LAMKALTU 19:3

“A si kun ahcun, zei bantuk tipilnak dah nan in kun?” tiah Paul nih cun a hal hna. Annih nih, “Johan tipilnak,” tiah an leh.

LAMKALTU 19:9

Sihmanhsehlaw annih lak i a cheukhat cu an lung a khong i an zum duh lo; Bawipa Lam kong kha zapi hmaiah a ṭhalo tiah an ti. Cucaah Paul nih khan a chuahtak hna i zultu pawl kha aa kalpi hna; ni fate in Tirannas biachimnak inn timi ah khan mi kha a cawnpiak hna.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

ROM 12:11

Fak piin rian ṭuan u, nan thathu hlah u. Bawipa cu nan lungthin taktak tein a rian ṭuan u.

2TIMOTE 2:4

Ralkap a ṭuan liomi nih cun a cung bawi lungton kha a duh caah ralkap a si lomi hna rian ah khan aa sawhkalh len lo.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

BIACEIHTU 2:22

an pupa hna bantuk khan Bawipa lam kha an zul lai maw zul lo tiah Israel mi cu hneksaknak caah annih cu ka hman hna lai,” tiah a ti.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.