LAMKALTU 17:32 - Lai (Hakha) Common Language Bible 2006

³² Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

Laibaibal Thiang (BSI)

³² Mithi thawhṭhânnâk kong an theih tikah, cheukhat nih an nihsawh, cheukhat nih, “Hi bia hi na sinin kan ngaih ṭhân te lai,” tiah an ti.

LAMKALTU 17:32 ပူးပေါင်းရင်းမြစ်များ

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

LUKA 14:18

Sihmanhsehlaw an dihlak in pakhat hnu pakhat sonhtarhnak kha an rak kawl cio. A hmasa bik nih a sinumpa cu a rak thawh i, ‘Ka ngaithiam ko, lo ka caw ngelcel i ka va kal i ka va zoh lo ahcun a si kho lo,’ tiah a ti.

LUKA 22:63

Jesuh cu a cawngtu hna nih khan nihchuak ah an saih. An tuk,

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

LUKA 23:36

Ralkap pawl zong nih khan an nihsawh i an hun hnawh i mitsur hang thor kha an pek i,

LAMKALTU 13:41

‘Nannih mi nihsawh hmangmi hna, Zohhmanh u, nan khuaruahhar u law thi ko u. Zeicahtiah nanmah nan chan hrimhrim ah ka tuahmi rian hi Nannih nih nan zumh lai lomi thil, midang nih a sullam an in chimh hna hmanh ah nan zumh duh lai lomi a si,’ tiah an chimmi bia hi nan cungah tlunter hlah u,” tiah a ti hna.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 17:33

Cuticun pumhnak khan Paul cu a chuak.

LAMKALTU 2:13

Sihmanhsehlaw midang nih cun an nihsawh hna i, “Hi hna hi zu an ri,” tiah an ti hna.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

LAMKALTU 25:19

Annih nih an puhmi cu anmah biaknak kong i an i alnak le mipa pakhat a thi cangmi a min Jesuh an timi, Paul nih a nung ṭhan pei tiah a timi kong a rak si.

LAMKALTU 26:8

Zeicahdah nannih Judah mi nih Pathian nih mithi a thawhter hna, ti cu nan zumh khawh lo?

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

1 KORIN 15:12

Kan chimmi cu Khrih cu thihnak in thawhter a si ti kha a si caah, zeitindah nannih a cheu nih, mithi cu nunnak ah thawhter an si lai lo, tiah nan ti khawh?

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.

HEBRU 13:13

Cucaah cun amah sinah khan riah hmun lengah cun kal u si law a inmi ningzahnak kha va ing ve u sih.