LAMKALTU 17:30 - Lai (Hakha) Common Language Bible 2006

³⁰ Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

Laibaibal Thiang (BSI)

³⁰ A ngaingai tiah, Pathian nih kan hngalh lo cân hna cu â cinken lo, asinain atu ah ramkip i mi vialte ngaihchih dingin nawl a pêk hna.

LAMKALTU 17:30 ပူးပေါင်းရင်းမြစ်များ

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

ISAIAH 21:12

Kei nih ka leh i, “Khua cu a dei deng, sihmanhsehlaw zan kha a ra ṭhan lai. Hal na ka duh ahcun, ra law rak ka hal ṭhan te,” ka ti.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 4:17

Cu caan thawk cun Jesuh nih, “Vancung Pennak a nai cang caah, nan sualnak kha mertak cang hna u,” tiah a chimh lengmang hna.

MARKA 1:15

“A caan kha a phan cang. Pathian Pennak cu a phan dengmang cang. Nan sualnak kha kaltak hna u law Thawngṭha kha zum tuah u,” tiah a ti hna.

MARKA 6:12

Cucaah an chuak i, nan sualnak in i mer u, tiah mi kha an chimh hna.

LUKA 13:5

A si hrimhrim lo, nannih zong nan nun nan ṭhinh lo ahcun anmah thih bantukin nan thi ve lai,” a ti.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 14:16

Hlanah cun mi vialte kha anmah duhning cio lam zulh kha a onh ko hna.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.