LAMKALTU 17:26 - Lai (Hakha) Common Language Bible 2006

²⁶ Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

Laibaibal Thiang (BSI)

²⁶ Cun leicung vialte i khuasa dingin thisen pakhat chungin miphun vialte a ser i an caah khuacân a khiahpiak hna i an umnâk ramri zong a khampiak hna.

LAMKALTU 17:26 ပူးပေါင်းရင်းမြစ်များ

GENESIS 3:20

Mipa nih a nupi cu a min ah Evi a sak, zeicahtiah amah cu minung vialte nu a si.

GENESIS 9:19

Hi Noah fapa pathum hi vawlei cung mi vialte a hringsortu hna an si.

JOB 12:23

Miphun kha mingan ah a ser hna i amah nih a hrawh ṭhan hna, Miṭhawng ah a ser hna i amah nih a ṭhumh ṭhan hna.

JOB 14:5

A ni hna cu relpiak an si i A thla hna cu zeizat an si kha nangmah nih na hngalh; Nangmah nih a lonh khawh lomi ramri kha na serpiak.

SALM 31:15

Ka caan cu na kut chungah a um dih, ka ral hna kut chungin ka khamh law a ka hremtu hna kut chungin ka khamh tuah.

SALM 74:17

Vawlei cu a donghnak ri kha nangmah nih na ser hna i ṭhal caan le khuasik caan cu na ser hna.

ISAIAH 14:31

Filistin mi khuapi hna, ai u law, bawmhnak duh ah au tuah u! Nan dihlak in therphang in um u. Chaklei in leidip khu a rung lio — cu leidip khu cu ralchia aa tel lomi ralkap an si.

ISAIAH 34:17

Ram a phawtu hna cu Bawipa a si i amah nih an covo cio kha a pek hna lai. Ram chungah cun chan khat hnu chan khat an um lai i anmah ta a si zungzal cang lai.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

JEREMIAH 27:5

‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

DANIEL 11:27

Cu siangpahrang pahnih hna cu pakhat cung i ṭhat lonak tuah kha an i tim peng lai i cabuai pakhat ah an ṭhu ko lai nain pakhat le pakhat cu lih in bia an i hleng lai i caan rem a phak rih lo caah aho an ca hmanh ah ṭhathnemnak zeihmanh a um lai lo.

DANIEL 11:35

Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan ṭhiamṭhiam ve lai.

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

1 KORIN 15:22

Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai.

1 KORIN 15:47

Adam pakhatnak cu vawlei dip in sermi a si, Adam pahnihnak tu cu vancung in a rami a si.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.