LAMKALTU 17:25 - Lai (Hakha) Common Language Bible 2006

²⁵ Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

Laibaibal Thiang (BSI)

²⁵ Chambaumi bangin minung hna kut in rian ṭuanpiak herh zongin a um lo, Amah tu kha zeizong vialte sinah nunnâk le thaw le thil vialte petu a si.

LAMKALTU 17:25 ပူးပေါင်းရင်းမြစ်များ

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

JOB 12:10

A sermi thil vialte an nunnak a uktu cu Pathian a si i Minung thaw cu a kut chungah a um.

JOB 22:2

“Minung hi Pathian caah san a tlai khomi an um hnga maw? A fimmi hmanh hi Pathian ca i san a tlaimi an um hnga maw?

JOB 27:3

Ka thaw cu ka chungah a um i Pathian thaw kha ka hnar chungah a um chung paoh ah cun,

JOB 33:4

Zeicahtiah Pathian thlarau nih a ka ser i Lianngan Bik thaw nih nunnak a ka pek.

JOB 34:14

A thlarau kha amah sinah a kirter ṭhan i nunnak petu thaw kha sinah a kawh ṭhan ahcun,

SALM 16:2

Bawipa cu ka thawh i, “Nangmah cu ka Bawipa na si; thil ṭha ka ngeihmi vialte hi nangmah sinin ka hmuhmi an si,” ka ti.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

NAMBAR 27:16

“Bawipa, titsa vialte thlarau hna i Pathian nih mibu zohkhenhtu ah mipa pakhat

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

LAMKALTU 17:28

mi a cheukhat nih, “Amah chungah kan nung, kan cawl kan cang i khua kan sa,’ an ti bantuk le, nan hla phuahtu hna nih, ‘Kanmah zong a tefa kan si ve,’ an ti bantuk khan a si.

ROM 11:35

Cham ṭhan dingin aho nih dah zeital an pek bal?” tiah a ti bang khan a si.

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.