LAMKALTU 17:24 - Lai (Hakha) Common Language Bible 2006

²⁴ Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

Laibaibal Thiang (BSI)

²⁴ Pathian, vawlei le a chung i a ummi vialte a sertu cu lei le van Bawi a si caah, kut i sakmi ṭempal ah a um lo.

LAMKALTU 17:24 ပူးပေါင်းရင်းမြစ်များ

GENESIS 1:1

A hramthawk ah, Pathian nih van le vawlei a ser hna tikah,

GENESIS 14:19

thluachuah a pek i: “Van le vawlei a sertu Cung Nung Bik Pathian nih Abram cu thluachuah in pe seh.

GENESIS 14:22

Sihmanhsehlaw Abram nih cun a leh i, “Van le vawlei a sertu Cung Nung Bik Pathian hmaiah chiatser tein bia kaa kam i,

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

2 CHANRELNAK 2:6

Asinain vancung, a sang bik vancung hmanh nih khin amah cu a tlum lo caah, aho nih dah inn cu a sakpiak khawh lai? Amah hmai i zihmui khanghnak hmun ca men ah dah ti lo ahcun, amah ca i inn sa dingah cun kei cu aho hen dah ka si i?

2 CHANRELNAK 6:18

“Sihmanhsehlaw Pathian nih cun vawlei cungah cun minung sinah hin khua a sa taktak hnga maw? Zohhmanh, van le a sang bik van nih khin an in tlum lo; zeitindah hi keimah sakmi inn chinchin nih cun an tlum hnga!

SALM 115:16

Vancung khi Bawipa ta a si, sihmanhsehlaw vawlei hi cu, mi kha a pek hna.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

SALM 148:13

An dihlak in Bawipa min cu thangṭhat hna seh! A min cu min dang vialte nakin a ngan deuh; a sunparnak nih van le vawlei a lonh hna.

SALM 24:1

Vawlei le a chung i a ummi thil vialte hi Bawipa ta an si, vawlei le a cung i a ummi minung vialte zong hi amah ta kan si dih.

ISAIAH 40:12

Aho tal nih rilipi ti khi a zapei kuar in a tah kho maw? van khi tah a khap in a tah khotu aho tal an um maw? Vawlei hi tah aho nih dah hrai pakhat chungah a vawlei a khumh dih khawh? Asiloah, fing le tlang vialte hna hi aho nih dah cuaithlainak in a thlai khawh hna?

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 5:34

Sihmanhsehlaw atu cu hihi kan chimh hna: Biakamnak nan tuah tikah chiatser biahrennak zeihmanh tuah hlah u; vancung khua chalh in chiatser hlah u, zeicahtiah vancung khua cu Pathian ṭhutnak a si;

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

JOHAN 1:1

Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LAMKALTU 4:24

Annih nih an theih tikah hmunkhatte ah Pathian sinah thla an cam i, “Bawipa, van le vawlei le rili le an chung i a ummi thil vialte a Sertu,

LAMKALTU 7:48

“Sihmanhsehlaw Cung Nung Bik Pathian cu, profet nih,

ROM 1:19

Minung cu Pathian kong hngalh khawh a simi thil hna kha Pathian hrimhrim nih fiang tein a hmuhsak ko hna nain

DEUTERONOMI 10:14

Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 3:4

Nan hngalh cio bangin inn cu mi nih an sak taktak — zeizong vialte a satu bel Pathian a si.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.