LAMKALTU 17:23 - Lai (Hakha) Common Language Bible 2006

²³ Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

Laibaibal Thiang (BSI)

²³ Kâ chawhleh pah in nan biakmi hna ka zoh i bia`heng pakhat cungah, “HNGALH LOMI PATHIAN CAAH” tiah ṭialmi ka hmuh. Cuticun hngalh lo buin nan biak tawnmi kha, cu kong cu kan chimh hna.

LAMKALTU 17:23 ပူးပေါင်းရင်းမြစ်များ

SALM 147:20

Miphun dang hna caah cun mah hihi a tuah hna lo, a phunglam kha an hngal hna lo. Bawipa cu thangṭhat u!

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

ISAIAH 45:4

Ka sal Israel mi kha na bawmh hna lai tiah kan fial, annih cu ka thimmi miphun an si. Nang nih cun na ka hngal lo nain upatnak nganpi kha kan pek.

MATTHAI 15:9

Annih nih mi serchom nawlbia kha Pathian nawlbia bantukin an cawnpiak hna caah An ka biaknak hi zeihmanh a ṭhahnem lo,’ tiah Pathian nih a ti, tiah a rak chim,” tiah a ti.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 4:22

Nannih Samaria mi nih cun nan biakmi kha nan hngal taktak lo, kannih Judah mi tu nih cun, kan biakmi cu kan hngalh, zeicahtiah khamhnak cu Judah mi sinin a rami a si.

JOHAN 8:54

Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si — nanmah nih kan Pathian a si nan timi hrimhrim kha.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

1 KORIN 8:5

Vancung ah siseh vawleicung ah siseh pathian timi cu a um zong an um ko lai, cun pathian timi hna hi le bawipa timi hna hi tampi zong an si ko lai,

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.