LAMKALTU 17:18 - Lai (Hakha) Common Language Bible 2006

¹⁸ Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

Laibaibal Thiang (BSI)

¹⁸ Epikorian le Stoik mifim cheukhat zong nih amah cu an rak el tawn. Cheukhat nih, “Hi biaduh pa nih hin zeidah chim a timh?” tiah an ti. Jesuh kong le thawhṭhannâk kong a chim caah cheukhat nih, “Ramdang pathian kong chimtu a si ko rua,” tiah an ti.

LAMKALTU 17:18 ပူးပေါင်းရင်းမြစ်များ

PHUNGTHLÛKBIA 23:9

Mihrut theihhngan ah cun bia va chim len hlah, Fimnak bia na chimmi cu zeihmanh ah a rel ṭung lai lo.

PHUNGTHLÛKBIA 26:12

Amah aa hmuhnak ah ka fim aa timi nakcun, mihrut caah ruahchannak a um deuh.

MARKA 9:14

A zultu dang hna sin kha an va phak tikah, mi tampi an rak um kha an hmuh hna. Phungbia cawnpiaktu saya a cheu khat kha a zultu hna he cun bia an rak i al len ko.

LUKA 11:53

Cuka hmun in a chuah tikah Phungbia cawnpiaktu saya hna le Farasi mi hna nih khan zeimaw ti tal in kan tlai kho hnga maw tiah thil tampi kongah biarap an chiah i ṭha tein an bawh;

LAMKALTU 26:23

cucu zeidah a si tiah, Judah mi hna le Jentail mi hna sinah khamhnak ceunak thanh awk caah, Messiah nih cun fahnak kha a in a hau lai i thihnak in a tho ṭhan hmasa bikmi a si lai, ti hi a si ko,” tiah a ti.

LAMKALTU 4:2

Lamkaltu pahnih hna nih khan mizapi cu, mithi mi kha thihnak in an tho ṭhan lai, zeicahtiah Jesuh kha thihnak in a tho ṭhan cang i cu nih cun mithi mi kha nunnak ah an tho ṭhan lai ti kha a fianter tiin an cawnpiak hna caah, an cungah khan an thin a hung ngaingai.

LAMKALTU 5:42

Cun nifate in biakinn chung le mi inn kip ah Messiah a simi Jesuh kong Thawngṭha kha an cawnpiak hna i an chimh lengmang hna.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

ROM 1:22

Annih nih cun, kan fim, an ti, sihmanhsehlaw mihrut an si;

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.