LAMKALTU 17:17 - Lai (Hakha) Common Language Bible 2006

¹⁷ Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

Laibaibal Thiang (BSI)

¹⁷ Cucaah Sinagog ah Judah le Gentel chungin Pathian a duhmi kha a ruahpi hna. Market hmun zongah nichiar tein a caihpi hna.

LAMKALTU 17:17 ပူးပေါင်းရင်းမြစ်များ

PHUNGTHLÛKBIA 8:34

Ka bia kha a ngai i ka kutka ah nifa a um i ka innka pawngin a ka hngakmi cu milunglawm an si.

JEREMIAH 6:11

Bawipa, na thinhunnak cu ka chungah a khat, A in in ka ing kho ti lo,” ka ti. Cu tikah Bawipa nih a ka thawh i, “Ka thinhunnak cu khua lak i aa chawkmi ngakchia hna cungah le Aa pummi tlangval hna cungah khan bung ko kun. Pasal si hna seh, nupi si hna seh, cu chungah cun an i tel ve lai i A tar ngaingaimi ṭuakparmi hna zong kha an i tel ve ko lai.

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

LUKA 12:3

Cucaah mui lakah nan chimmi cu chun ceu ah theih an si lai, cun innka nan i khar khumhnak khaan chungah a thli tein nan chimmi cu inncung in aupi an si lai,” tiah a ti.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 13:16

Paul cu a dir i a kut in dai u tiah a hmuhsak hna i biachim hram aa thawk: “Ka phunhawi Israel mi hna le Pathian a biami Jentail mi hna, ka bia hi ngai tuah u.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 13:50

Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

LAMKALTU 8:2

Steven kha biaknak lei i aa biatakmi a cheu nih an vui i fak piin an ṭah.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

2TIMOTE 3:2

Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zawmhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai;

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.