LAMKALTU 16:5 - Lai (Hakha) Common Language Bible 2006

⁵ Cucaah khrihfabu cu zumhnak ah an ṭhawng chinchin i ni fate in an karh chin lengmang.

Laibaibal Thiang (BSI)

⁵ Cuticun kawhhran hna cu zumhnâk ah an fek chinchin i nichiar te an karh chin lengmang.

LAMKALTU 16:5 ပူးပေါင်းရင်းမြစ်များ

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

LAMKALTU 12:24

Pathian bia cu a karh i a ṭhang chin lengmang.

LAMKALTU 15:41

Siria le Silisia ram kha an ṭol hna i khrihfabu kha an thazang an fehter hna.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

LAMKALTU 5:14

Cuhleiah mi kha an bu ah cun an i chap chin lengmang i Bawipa a zummi hna cu nu he pa he bu nganpi ah an i cang.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

GALATI 5:1

A luatmi kan si cang. Khrih nih a kan luatter cang. Cucaah fek tein dir u law sal ah khan i ser ṭhan ti hlah u.

KOLOSE 2:6

Khrih Jesuh cu nan Bawipa ah nan i lak cang caah, amah he i pehtlai in nung u.

1THESALON 3:13

Cuticun nan lung kha in ṭhawnter hna seh law kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.