LAMKALTU 16:27 - Lai (Hakha) Common Language Bible 2006

²⁷ Thonginn bawi kha a hun i hlau i thong innka an i hun kha a hmuh tikah thongtla vialte kha an chuak dih cang tiah a ruah caah a nam kha aa zuh i amahle amah kha thah aa zal.

Laibaibal Thiang (BSI)

²⁷ Thonginn congtu cu â hngilhnâk in â hlau i thong innkâ â ongmi kha a hmuh, thongtla an zâm dih cang tiah a ruah, a vainam â zuh i amah le amah thah â tim.

LAMKALTU 16:27 ပူးပေါင်းရင်းမြစ်များ

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

1 SIANGPAHRANG 16:18

Cun Zimri nih khua kha an lak cang, tiah a hmuh tikah, siangpahrang inn chung ralhruang chungah khan a lut i siangpahrang inn cu mei in aa duah chih i a thi;

MATTHAI 27:5

Judas nih tangka cu hmunthiang chungah khan a vun hlonh i a kaltak; cun a chuak i a vaa awk.

LAMKALTU 12:19

Herod nih, kawl u, tiah a ti hna, sihmanhsehlaw an hmu kho lo. Cucaah ralvengtu pawl cu bia nan hal hna lai i nan thah hna lai, tiah a ti. Cu hnuah cun Herod cu Judea ram khan a vung kal i Sisaria khua ah khan caan tlawmpal a vung um.

LAMKALTU 16:28

Sihmanhsehlaw Paul cu fak piin a au i, “Nangmah le nangmah fahnak i pe hlah, kan dihlak in kan um ko,” tiah a ti.

LAMKALTU 16:36

Cucaah thonginn bawi nih khan Paul cu a chimh i, “Bawi pawl nih nawl an rak ka pek i nangmah le Silas kha rak thlah hna, an ka ti. Cucaah chuak u law dai tein nan khual tlawnnak dingah khan va kal u,” tiah a ti hna.

BIACEIHTU 9:54

Khi tikah a hriamnam putu tlangvalpa cu khulrang in a auh i, “Na vainam kha i zuh law, ka that tuah, cu ti a si lo ahcun, ‘Nu pakhat nih a thah,’ an ka ti sual hnga,” tiah a ti. Cun a tlangvalpa nih cun tleng lakin a chunh i a thi.