LAMKALTU 16:26 - Lai (Hakha) Common Language Bible 2006

²⁶ Chikkhatte ah khin li a hun i hnin i thonginn cu a hram tiangin a hninh dih. Hmakhatte ah innka vialte kha an i hung dih i thongtla pawl thir cikcin vialte kha an i phoih dih.

Laibaibal Thiang (BSI)

²⁶ Ruahlo pi ah li fakpi in â hnin i thonginn hram vialte â hnin dih. Innkâ vialte â ong dih i mikip cikcin khihmi kha a poih dih.

LAMKALTU 16:26 ပူးပေါင်းရင်းမြစ်များ

1 SIANGPAHRANG 13:28

Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

SALM 102:20

cu a run cuanh cu thongtla pawl an aihramnak theih awk le thah awk i biaceih cangmi hna luatter awkah a si.

SALM 146:7

A biakam kha a tlolh bal lo; hremmi hna ṭanh in bia kha a ceih i rawl a ṭammi kha rawl a pek hna. Bawipa nih thongtla kha a luatter hna i

SALM 68:6

Lungleng le umhar in a ummi kha umnak inn a pek hna i thongtla kha luatnak lawmhnak chungah a chuahpi hna; sihmanhsehlaw ralthawh hmangmi cu ramcar ah an um lai.

SALM 79:11

Thongtla pawl cu an aihramnak kha theihpiak ko sawh hna, thah awkin biakhiah cangmi cu a liannganmi na ṭhawnnak in luatter ko hna.

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

MATTHAI 28:2

Chikkhatte ah khin li aa hnin i Bawipa vancungmi pakhat vancung in a rung ṭum i thlankhar kha a thawn i a cungah cun a ṭhu.

LAMKALTU 12:10

Ralvengtu hna umnak hmasa bik le a pahnihnak kha an hei lonh i khua chung vung lanhnak thir kutka kha an phan. Kutka cu amah tein a rak i hung i annih cu an chuak. Lam kha an vun zul i vancungmi nih khan Peter cu, duak tiah a kaltak.

LAMKALTU 12:7

Chikkhatte ah khin Bawipa vancungmi pakhat kha khika ah cun a hung dir i thonginn chung cu a ceu. Vancungmi nih cun Peter cu a liang in a hninh i a ṭhangh, “Khulrang in tho tuah!” tiah a ti. Hmakhatte ah Peter kut cun thirhri cu an tla.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

LAMKALTU 5:19

Sihmanhsehlaw cu zan ah cun Bawipa vancungmi nih thonginn kutka kha a hun hna i lamkaltu kha a chuahpi hna i,

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.