LAMKALTU 16:25 - Lai (Hakha) Common Language Bible 2006

²⁵ Zanṭim hrawngah khin Paul le Silas cu thla an cam i Pathian sinah thangṭhatnak hla an sa i thongtla dang nih khan an ngaih hna.

Laibaibal Thiang (BSI)

²⁵ Zanṭim ah Paul le Sailas cu Pathian sinah thla an cam i hla an sa, thongtla nih an ngaih hna.

LAMKALTU 16:25 ပူးပေါင်းရင်းမြစ်များ

JOB 35:10

Sihmanhsehlaw ahohmanh nih, ‘A ka Sertu Pathian, zan ah him tein a kan zohkhenh i,

SALM 119:55

Bawipa, zan ah nangmah kha kan ruat i, na phunglam kha ka zul.

SALM 119:62

Na biakhiahnak an din ruangah khan zanṭim i ka hun i hlauh tikah nangmah cu kan thangṭhat.

SALM 22:2

Chun ah nangmah cu kan auh, maw ka Pathian, sihmanhsehlaw na ka let lo; zan zongah kan auh, sihmanhsehlaw dinh ka hmu kho hlei lo.

SALM 34:1

Bawipa cu a zungzal in ka lawmh lai, amah thangṭhat cu a ngol in ka ngol lai lo.

SALM 42:8

Bawipa nih a dawtnak fek cu nifa kan sinah langhter ko seh! Amah cu zan fate in hla in thangṭhat ning law ka nunnak a ka pe ṭhantu Pathian sinah cun thlacam ko ning.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 71:7

Ka nunnak hi mi tampi caah cun khuaruahhar a si, sihmanhsehlaw nangmah cu a ṭhawngmi a ka hupphengtu na si.

SALM 77:2

Harnak caan ah Bawipa sinah cun thla ka cam; zan khuadei thlacam in ka kut cu ka hler hna, sihmanhsehlaw hnangamnak ka hmu kho lo.

SALM 77:6

Zan khuadei fak piin khua ka ruat; khua ka ruat lengmang i keimah le keimah kaa halmi cu hihi a si:

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

ISAIAH 30:29

Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 16:19

A bawile nih kan tangka hmuhnak caan ṭha a dih cang ti kha an hmuh tikah Paul le Silas kha an tlaih hna i zapi pumhnak ah bawi hmaiah an chuahpi hna.

LAMKALTU 16:33

Cun cu zan ṭhiamṭhiam ah cun thonginn bawi nih khan a kalpi hna i an hma kha a ṭawlpiak hna; chikkhatte ah amah le a innchungkhar dihlak in tipilnak an ing colh.

LAMKALTU 5:41

Khawngsil pumhnak cun lamkaltu pawl cu an chuak i Jesuh min ruangah Pathian nih ningzah in awk nan i tlak tiah a ruah hna caah an i lawm ngaingai.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

ROM 5:3

Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i

2 KORIN 6:10

kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

JEIM 5:13

Nan lakah harnak a tongmi nan um ahcun, thla cam hna seh. A lung aa lawmmi nan um ahcun, thangṭhatnak hla sa hna seh.

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.