LAMKALTU 16:23 - Lai (Hakha) Common Language Bible 2006

²³ Fak piin an tuk hna hnuah thong ah an thlak hna i thonginn bawi cu fek tein na hrenh hna lai tiah nawl an pek.

Laibaibal Thiang (BSI)

²³ Bechia ngai i an tuk hnuah thongah an thlak hna i thongin bawi kha ṭha te i vengding in nawl an pêk.

LAMKALTU 16:23 ပူးပေါင်းရင်းမြစ်များ

MATTHAI 26:48

Rawitu nih cun mizapi cu hmelchunhnak a rak pek cia hna i, “Ka hnamhmi cu tlaih nan duhmi kha a si lai i nan tlaih colh lai,” tiah a ti hna.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.

LAMKALTU 12:18

Cun zinglei a hung si tikah khan Peter hi zei nih dah a ti hnga tiin ralvengtu hna cu awlokchong in an i tuai.

LAMKALTU 12:4

Peter cu an tlaih hnuah thong ah khan an thlak i ralkapbu bu li nih an cawngh; bu khat ah cun ralkap pali lengmang an um. Herod nih aa timhning ah cun Lanhtak Puai dih in zapi hmaiah bia ka ceih te lai, ti a si.

LAMKALTU 16:27

Thonginn bawi kha a hun i hlau i thong innka an i hun kha a hmuh tikah thongtla vialte kha an chuak dih cang tiah a ruah caah a nam kha aa zuh i amahle amah kha thah aa zal.

LAMKALTU 16:36

Cucaah thonginn bawi nih khan Paul cu a chimh i, “Bawi pawl nih nawl an rak ka pek i nangmah le Silas kha rak thlah hna, an ka ti. Cucaah chuak u law dai tein nan khual tlawnnak dingah khan va kal u,” tiah a ti hna.

LAMKALTU 5:18

Lamkaltu kha an tlaih hna i zapi thong ah an thlak hna.

LAMKALTU 5:23

“Thonginn kan va phak ah cun ṭha tein a rak i hrenh ko i a cawngtu hna kha kutka ah cun an um dih ko; sihmanhsehlaw kutka cu kan vun hun hna tikah a chungah ahohmanh kan hmu hna lo,” an ti.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 6:5

An kan tuk, thong ah an kan thlak, zapi bawmh in an kan bawmh; kan thazang celh lo tiangin an kan ṭuanter, hngilh lo le rawl loin kan um.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

FILEMON 1:9

asinain dawtnak lei in ka ruah tikah a nawl tu in kan nawl ahcun a ṭha deuh, ka ti. Atu ah keimah tarpa, Khrih Jesuh ruang i thong i a tlami nih nawl kan duhmi cu,

JOSHUA 4:17

Cucaah Joshua nih tlangbawi hna cu, “Jordan tiva in hung chuak u,” tiah nawl a pek hna.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.