LAMKALTU 16:17 - Lai (Hakha) Common Language Bible 2006

¹⁷ Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

Laibaibal Thiang (BSI)

¹⁷ Cu ngaknu nih Paul le kannih a kan zulh i, “Hi hna khamhnâk kong a kan chimtu hna hi, Cungnung Bik Pathian sal le an si,” tiah a au tawn.

LAMKALTU 16:17 ပူးပေါင်းရင်းမြစ်များ

SALM 57:2

Cung Nung Bik Pathian cu ka auh, ka herhnak vialte a ka petu Pathian cu ka kawh.

SALM 78:35

Annih a hupphengtu hna cu Pathian a si kha an hun hngalh i annih a khamhtu hna cu Cungnung Bik a si kha an hun theih.

DANIEL 3:26

Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cung Nung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

DANIEL 4:2

Thluachuahnak vialte cu nan ta si ko seh. Cung Nung Bik Pathian nih ka caah a tuahmi hmelchunhnak hna le khuaruahharnak hna cu chim ṭhan ka duh hna:

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 5:21

Amah cu minung hna sin khan ṭhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cung Nung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

DANIEL 6:20

Siangpahrang cu cuka cu a va phak tikah Daniel cu lau lengmang in a vun auh i, “Daniel, a nungmi Pathian salpa, a rian na ṭuan zungzalmi na Pathian nih cun chiandeih hna sin khan an khamh kho maw?” tiah a ti.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

MIKAH 6:6

Bawipa cu ka fuh tikah zeidah kaa put lai? Cungsang ah a ummi Pathian hmaiah zeitindah ka kun lai? Khangh thawinak le kum khat a timi cawfa hna he maw amah cu ka fuh lai?

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

MARKA 1:24

“Nazareth khuami Jesuh, zeidah na kan duhnak a um? Kanmah hrawh duh ah maw na rat? Nangmah cu Pathian lamkaltu a thiangmi na si kha kan hngalh ko ṭung!” tiah a ti.

MARKA 12:14

A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

MARKA 5:7

fak piin a au i, “Cung Nung Bik Pathian Fapa Jesuh, zeidah na ka duhnak a um? Zei kan ti hnga, dan cu ka tat sawh hlah,” tiah a ti.

LUKA 1:77

A mi hna kha, nan sual ngaihthiam nan si thawngin khamhnak nan hmu lai, tiah na chimh hna lai.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

LUKA 20:21

Cu mingiatu hna nih cun Jesuh cu an thawh i, “Saya, na chimmi le na cawnpiaknak hi ahmaan tiah kan hngalh. Ahohmanh an hmai na zoh hlei fawn hna lo, Pathian nih minung caah a herh a timi biatak kha na cawnpiak ko hna.

LUKA 4:34

“Nazareth khuami Jesuh, zeidah na kan duhnak a si? Kanmah hrawh awkah maw hika ah hin na rat? Nangmah cu aho na si kha kan hngalh ko — Pathian lamkaltu a thiangmi na si ko,” tiah a ti.

LUKA 4:41

Mi tampi chungin khuachia zong kha an chuak i an chuahpah ah cun, “Nangmah cu Pathian Fapa na si,” tiah an au. Sihmanhsehlaw annih cu a sik hna i holh a thlauh hna, zeicahtiah Messiah a si kha an hngalh.

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

LAMKALTU 18:26

Pumhnak inn ah khan ralṭha ngaiin a cawnpiak hna. Cun amah cu Prisilla le Akuila nih khan an theih tikah an inn ah an kalpi i Pathian Lam kong kha hmaan deuh chin in an cawnpiak.

LAMKALTU 19:13

Judah mi a cheu khuachia ṭhawl i aa chawk lengmangmi hna nih khan cu khuachia ṭhawlnak ah cun Bawipa Jesuh min kha an hman ve. Khuachia cu an thawh hna i, “Paul nih a chimmi Jesuh min in chuak kaan ti,” an ti hna.

1 PETER 2:16

A luatmi bantukin um u, sihmanhsehlaw nan luatnak kha ṭhat lonak khuhnak ah hmang hlah u, Pathian sal bantuk tu in nung u.

2 PETER 2:2

An ziaza ṭhalo kha mi tampi nih an i cawn lai i cu hna ruangah cun biatak Lam kha thangchiatnak a hmu lai.