LAMKALTU 16:16 - Lai (Hakha) Common Language Bible 2006

¹⁶ Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.

Laibaibal Thiang (BSI)

¹⁶ Cun hitihin a si. Thlacam i kan kal lio ah sal ngaknu pakhat khuachia tuahmi, hmailei kong chimchungtu nih a kan ton. Hmailei kong a chimchung nâknih a pu le nih phaisa tampi an hmuh.

LAMKALTU 16:16 ပူးပေါင်းရင်းမြစ်များ

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

1 CHANRELNAK 10:13

Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

LEVITIKAS 19:31

“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi Bawipa nan Pathian cu ka si.

LEVITIKAS 20:27

Pa siseh, nu siseh, khuavang ngei maw camhthiam maw a si ahcun thah a si lai; lung in cheh an si lai; an thisen cu anmah cungah a si lai.”

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

LAMKALTU 16:13

Sabbath ni ah khua chung cun kan chuak i tiva kamah kan kal, cuka ah cun Judah mi hna thlacamnak hmun a um lai tiah kan ruah. Kan ṭhu i aa pummi nu kha bia kan ruah hna.

LAMKALTU 16:18

Cuticun ni tampi a au lengmang hnuah Paul cu a ing a puanh i a hnulei ah aa mer i khuavang cu, “Jesuh Khrih min in amah chung khan chuak kan ti,” tiah a ti. Cu cangka cun khuachia cu a chung khan a chuak.

LAMKALTU 16:19

A bawile nih kan tangka hmuhnak caan ṭha a dih cang ti kha an hmuh tikah Paul le Silas kha an tlaih hna i zapi pumhnak ah bawi hmaiah an chuahpi hna.

LAMKALTU 19:24

Ngun sosertu pakhat, a min Demetrius a simi nih khan Artemis khuazingnu biakinn lem tete kha ngun in a ser hna i cu rian nih cun a rianṭuantu pawl kha tampi miaknak a pek hna.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

2TIMOTE 3:8

Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.

1 SAMUEL 28:7

Cun Saul nih a sinum hna kha, “Thitlawnthiamnu pakhat in ka kawlpiak tuah u, a sinah ka va kal i amah cu ka va hal nakhnga,” tiah a ti hna. Cun a sinum hna nih cun, “Zohhmanh, Endor ah thitlawnthiam pakhat a um,” tiah an chimh.