LAMKALTU 16:14 - Lai (Hakha) Common Language Bible 2006

¹⁴ Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

Laibaibal Thiang (BSI)

¹⁴ Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

LAMKALTU 16:14 ပူးပေါင်းရင်းမြစ်များ

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SOLOMON HLA 5:4

Ka dawtte nih innkhar hrenh tlaih in dir ai kaw, Ka lung tiang vun cul hrianman.

ISAIAH 50:5

Bawipa Pathian nih hngalhthiamnak a ka pek caah amah cu ka do lo i ka pialtak fawn lo.

LUKA 24:45

Cun an lungthin kha a hun pemh hna i Cathiang sullam kha an hun hngalh.

JOHAN 12:20

Puai caan lio i Pathian biak awkah Jerusalem i a hung kalmi hna lakah khan Grik mi tlawmpal an i tel ve.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 13:50

Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

LAMKALTU 16:40

Paul le Silas cu thonginn khan Lidia inn ah khan an kal. Khika ah unau pawl kha an ton hna i lungṭhawnnak bia an chimh hna hnuah an kal.

LAMKALTU 18:7

Cucaah annih cu a chuahtak hna i Jentail mi a min Titius Justas a simi inn ah khan a um; amah cu Pathian a biami a si i a inn cu pumhnak inn pawngah khan a si.

LAMKALTU 8:27

Cucaah Filip cu aa tim i a kal. Cu lioah cun Ethiopia mi tilditmi pakhat an khua lei i a tlungmi a rak um. Cu pa cu bawi upa pakhat a si i Kandeis ti zongah ti a simi Ethiopia Siangpahrangnu tangka bawi kha a si. Amah cu Pathian biak awkah khan Jerusalem khua ah a va kal i a rangleng in a tlun lei a si. Rangleng aa citpah cun Isaiah cauk kha a rel.

ROM 9:16

Cucaah mi nih an duhmi thawng le an tuahmi thawngin si loin Pathian zaangfahnak thawng lawngin a si ko.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.