LAMKALTU 16:1 - Lai (Hakha) Common Language Bible 2006

¹ Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

Laibaibal Thiang (BSI)

¹ Derbe le Lustra khua ah an kal i ngaihmanh, cuka ah zultu pakhat, a min Timote a um, amah cu Judah zumtu nu pakhat fapa a si i a pa tu cu Grik mi a si.

LAMKALTU 16:1 ပူးပေါင်းရင်းမြစ်များ

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

LAMKALTU 14:1

Cu bantuk ṭhiamṭhiam cun Ikonium khua zongah a si: Paul le Barnabas cu Judah mi pumhnak inn ah khan an va kal i bia kha an chimh hna i Judah mi le Jentail mi mi tampi kha zumtu ah an i cang.

LAMKALTU 14:21

Paul le Barnabas nih Derbe khua ah cun Thawngṭha kha an chim i zultu tampi an hmuh hna. Cun Listra ah khan an kir i cuka cun Ikonium le Pisidia ram Antiok khua ah khan an kal.

LAMKALTU 14:6

Cu kong cu lamkaltu hna nih an theih tikah Likaonia ram i a ummi Listra le Derbe khua le cu khua hna pawngkam ram ah khan an zam.

LAMKALTU 17:14

Khulrang in unau pawl nih khan Paul cu rilikam leiah an kalter; sihmanhsehlaw Silas le Timote kha cu Berea khua ah khan an rung cam.

LAMKALTU 18:5

Silas le Timote kha Masidonia ram in an rak phanh tikah Paul nih a caan kha a dihlak in phungchimnak ah khan a hman i Jesuh cu Messiah kha a si ti kha Judah mi kha a chimh lengmang hna.

LAMKALTU 19:22

Cucaah amah a bawmtu pahnih Timote le Erastas kha Masidonia leiah a thlah hna i amah tu cu Asia ram chungah khan caan tam deuh a run hmang.

ROM 16:21

Ka rianṭuan hawi Timote nih nan kut an tlaih hna; cun Judah mi ka phun hawi Lusias, Jason le Sosipater zong nih nan kut an in tlaih hna.

1 KORIN 16:10

Timote kha nanmah lei i a rat sual ahcun ṭha tein rak conglawmh u, amah cu keimah bantukin Bawipa ca i rian a ṭuanmi a si.

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.

2 KORIN 1:1

Pathian duhnak in Khrih lamkaltu a simi keimah Paul le kan nau Timote nih, Korinth khua chung i a ummi Pathian Khrihfabu le Grik ram chung i a ummi Pathian mi vialte nan sinah ca kan in kuat hna.

2 KORIN 1:19

Zeicahtiah Silas le Timote le keimah nih kan in chimhmi hna Jesuh Khrih, Pathian Fapa cu, “E, e,” “Ai, ai,” aa cawhmi a si lo. Amah cu Pathian “E” a si ko;

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

FILIPI 2:19

Nan thawngpang nih lungṭhatnak a ka pek lai ti ruahchannak ka ngeih caah Timote kha nan sinah tuan i ratter kha a si kho lai tiah Bawi Jesuh cu ka zumh ko.

KOLOSE 1:1

Kolose khua i a um Pathian mi, Khrih chungah zumh awk tlak a simi kan u le kan nau hna,

1THESALON 1:1

Paul, Silas le Timote nih, Thesalonika khua i a ummi Khrih-fabu, Pathian kan Pa le Bawipa Jesuh Khrih ta a simi kha, ca kan in kuat hna. Vel le daihnak cu nan ta si ko seh.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.

2 THESALON 1:1

Paul, Silas le Timote nih, Thesalonika khuachung Khrihfabu chung i a ummi, Pathian kan Pa le Bawipa Jesuh Khrih ta a simi Khrihfami kha ca kan in kuat hna.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 1:2

Zumhnak i ka fa taktak a simi Timote, ca kan kuat. Pathian kan Pa le Khrih Jesuh kan Bawipa nih vel le zaangfahnak le daihnak in pe ko seh.

2TIMOTE 1:2

ka dawtmi ka fa Timote, ca kan kuat. Pathian kan Pa le kan Bawipa Khrih Jesuh nih vel le zaangfahnak le daihnak in pe ko seh.

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.

FILEMON 1:1

Khrih Jesuh ruangah thong i a tlami keimah Paul le kan nau Timote nih, kan hawikom le kan rianṭuan hawi a simi Filemon le

HEBRU 13:23

Kan unau Timote kha thong chungin a chuak cang ti theihter kha kan duh hna. A rat manh ahcun, nanmah tlawn i ka rat tikah ka rak i ratpi lai.