LAMKALTU 15:5 - Lai (Hakha) Common Language Bible 2006

⁵ Sihmanhsehlaw zumtu hna lakah khan, Farasi bu chung i a simi an rak um i cu hna nih cun an i thawh i, “Annih cu, cuarpar nan i tan lai i Moses Nawlbia kha nan zulh lai, tiah ti awk an si,” tiah an ti.

Laibaibal Thiang (BSI)

⁵ Asinain farasih hna chungin zumtu cheukhat nih an i thawh i, “Gentel hna cu an cuarpar tan ding an si i Moses nawlbia zong zulh awkah bia kamter ding an si,” tiah an ti.

LAMKALTU 15:5 ပူးပေါင်းရင်းမြစ်များ

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

LAMKALTU 24:14

Hi bel hi ka tuah tiah nangmah hmaiah ka ti khawh: Kei cu Lam thar a zulmi ka si (annih nih cun bu thar tiah an ti) i cu ti ning cun kan pupa hna Pathian cu ka biak; zeicahtiah Moses Phungbia chung i aa ṭialmi vialte le profet hna cauk chung i aa ṭialmi vialte kha ka zumh i Pathian i bochan in

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

LAMKALTU 28:22

Sihmanhsehlaw na ruahnak cu theih kan duh ko, zeicahtiah hi nan phu hi khuazakip ah mi nih an thangchiat lengmangmi a si,” an ti.

LAMKALTU 5:17

Cun Tlangbawi Ngan le a hawile hna, cuka hmun i a ummi Sadusi pawl chungmi a simi hna nih khan lamkaltu pawl cu an nahchuah ngaingai hna i cucaah an cungah rian kan ṭuan cang lai, tiah an ti.

1 KORIN 7:18

Cuarpar aa tanmi nih Pathian auhnak kha a cohlan ahcun, cuarpartannak kha hloh tim hlah seh; cun cuarpartan lomi nih a cohlan ahcun cuarpar i tan duh hlah seh.

GALATI 2:11

Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.