LAMKALTU 15:36 - Lai (Hakha) Common Language Bible 2006

³⁶ Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

Laibaibal Thiang (BSI)

³⁶ Ni zeimawzat hnuah Paul nih Barnabas sinah, “Atu kal ṭhân u sih law, khuakip i Bawipa bia kan chimnâk pauh i unau hna kha veh in zeitindah an um ti kha zoh hna usih,” tiah a ti.

LAMKALTU 15:36 ပူးပေါင်းရင်းမြစ်များ

ESTHER 2:11

Cun Esther nih khan zeidah a tuah i zeitindah a um ti hngalh awkah Mordekai cu nu khaan tual hmaiah khan nifate in aa chawk.

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

JEREMIAH 23:2

Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.

MATTHAI 25:36

Puan aih awk ka ngei lo i puan nan ka pek; ka zaw i nan ka zohkhenh; thong ka tla i nan ka len,’ tiah a ti hna lai.

MATTHAI 25:43

khual ka si ah nan ka tlunter duh lo, puan aih awk ka ngeih lo ah puan nan ka pe duh lo, ka zawt i thong i ka tlak ah nan ka zohkhenh duh lo,’ a ti hna lai.

LAMKALTU 13:12

Thil a hung ummi kha a hmuh tikah uktu bawi cu a zummi ah a cang i Bawipa kong an cawnpiakmi nih khan a lung a sukhai ngaingai.

LAMKALTU 13:4

Barnabas le Saul cu Thiang Thlarau nih a fial hna bang khan Seleusia khua ah khan an vung kal i cuka cun Saipras tikulh ah tilawng in an kal.

LAMKALTU 13:51

Lamkaltu hna nih khan an kebeh cu an khawnhnawhtak hna i Ikonium ah an kal.

LAMKALTU 14:1

Cu bantuk ṭhiamṭhiam cun Ikonium khua zongah a si: Paul le Barnabas cu Judah mi pumhnak inn ah khan an va kal i bia kha an chimh hna i Judah mi le Jentail mi mi tampi kha zumtu ah an i cang.

LAMKALTU 14:21

Paul le Barnabas nih Derbe khua ah cun Thawngṭha kha an chim i zultu tampi an hmuh hna. Cun Listra ah khan an kir i cuka cun Ikonium le Pisidia ram Antiok khua ah khan an kal.

LAMKALTU 14:6

Cu kong cu lamkaltu hna nih an theih tikah Likaonia ram i a ummi Listra le Derbe khua le cu khua hna pawngkam ram ah khan an zam.

LAMKALTU 7:23

“Moses cu kum sawm li a ti tikah a phunhawi Israel mi kha a va leng hna.

ROM 1:11

Zeicahtiah nanmah hmuh cu kaa ngaih hringhran i nanmah he thlarau thluachuahnak i hrawm i nanmah thazang pek cu ka duh ngaingaimi a si.

2 KORIN 11:28

Cun a dang cu zeihmanh chim loin, khrihfabu zawn ka ruahnak nih hin nifate in a nenh in a ka nenh.

FILIPI 1:27

A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.

2TIMOTE 1:4

Na mitthli kha ka philh lo i lunglawmhnak in ka khah nakhnga nangmah hmuh cu ka duh hringhran.