LAMKALTU 15:3 - Lai (Hakha) Common Language Bible 2006

³ Khrihfabu nih khan an hei thlah hna i Foinisia le Samaria an hei tanpah ah khan zeitluk in dah Jentail mi hna nih Pathian leiah an i mer tinak kong kha an chimh hna; cu thawng nih cun unau vialte kha a lawmhter ngaingai hna.

Laibaibal Thiang (BSI)

³ Cuticun kawhhran nih an thlah hna i an kal. Gentel mi hna nih Thawngṭha an cohlanning kha chim pahin Foinisia le Samaria ram an ṭol dih i unau hna kha an lawmhter ngai ngai.

LAMKALTU 15:3 ပူးပေါင်းရင်းမြစ်များ

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 13:48

Jentail mi hna nih cu bia cu an theih tikah an i lawm i Bawipa cu, cu bia ruangah cun an thangṭhat; cun zungzal nunnak hmu dingah thim a simi hna nih khan an zumh i

LAMKALTU 13:52

Antiok khua i a ummi zultu hna cu lunglawmhnak le Thiang Thlarau in an khat.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 15:12

Barnabas le Paul nih, Pathian nih Jentail mi hna lakah a hman hna i anmah thawngin khuaruahharnak a tuahmi vialte kha an chim tikah, annih cu an ningpi in dai tein an um.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 15:32

Profet a simi Judas le Silas nih khan unau pawl cu saupi bia an chimh hna i ralṭhatnak le thazang an pek hna.

LAMKALTU 15:4

Jerusalem khua an va phak tikah khrihfabu le lamkaltu hna le upa hna nih khan an rak conglawmh hna i anmah thawngin Pathian nih a tuahmi vialte kha an chimh hna.

LAMKALTU 17:15

Paul a kalpitu hna kha a sinah cun Athens khua tiangin an va kal. Cun Berea khua ah cun an kir ṭhan i Paul nih khan Silas le Timote cu a ran khawh chungin ka sinah ra hna seh, tiah bia a cah hna.

LAMKALTU 20:38

Nan ka hmu ṭhan ti lai lo, tiah a ti hna caah khan an ngaih a chiat khunnak cu a si. Cun lawng tiang khan an hei thlah.

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

LAMKALTU 28:15

Rom khua i a ummi unau pawl nih kan thawng kha an rak theih i Appius Chawdawrnak Hmun timi hmun le Khual Buk Pathum tiang khan an rak kan don. Paul nih a hmuh hna tikah Pathian kha a lawmh i a thazang a tlung.

LAMKALTU 8:14

Samaria mi nih Pathian bia kha an hmuh ve ti kha Jerusalem khua i a ummi lamkaltu pawl nih khan an theih tikah an sinah cun Peter le Johan kha an hei thlah hna.

ROM 15:24

atu cu kan tlawng kho cang rua hna lai tiah ruahchannak ka ngei. Spain ram i ka kalpah ah hin in hmu hna ning law ti cu ka duh i nan sinah tlawmpal ka cam hnuah cuka kal cu ka bawm te u law ka ti.

1 KORIN 16:11

Ahohmanh nih rak zohchuk hlah u. Kan hawile hna he amah cu kan rak hngah ko caah lunglawm tein ka sinah run thlah u.

1 KORIN 16:6

Sau nawn nan sinah ka cam kho hmanh maw, khuasik chung cu ka cam men lai, cu hnuah cun ka tlawnnak cu khuazei lei a si hmanh ah, ka tlawnnak ah cun nan ka bawmh te lai.

2 KORIN 1:16

Ka rak i timhning cu, Masidonia lei ka kalpah ah nannih kha tlawn i ka kir leiah hun tlawnpah ṭhan kha a si. Cuticun Judea lei ka hung kal tikah nannih nih nan ka bawmh khawh hnga tiah ka ruah.

TITAS 3:13

Sihni Zenas le Apollos kha an khual tlawnnak dingah na bawmh khawh chungin rak bawm hna law an herhmi paoh kha rak damhpiak hna.