LAMKALTU 15:23 - Lai (Hakha) Common Language Bible 2006

²³ A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

Laibaibal Thiang (BSI)

²³ Hitihin an ṭial i an kut ah an kuat. Lamkaltu, upa hna le unau hna nih, Antiok khua le, Siria ram le Silisia ram i Gentel unau kut an tlaih hna.

LAMKALTU 15:23 ပူးပေါင်းရင်းမြစ်များ

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 15:2

Paul le Barnabas nih khan cu kong cu fak piin an al hna; cucaah Paul le Barnabas le Antiok khuami cheukhat kha Jerusalem khua ah hung kal hna seh law hi kongah lamkaltu pawl le upa hna kha hung tong hna seh, tiah bia an khiah.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 15:4

Jerusalem khua an va phak tikah khrihfabu le lamkaltu hna le upa hna nih khan an rak conglawmh hna i anmah thawngin Pathian nih a tuahmi vialte kha an chimh hna.

LAMKALTU 15:41

Siria le Silisia ram kha an ṭol hna i khrihfabu kha an thazang an fehter hna.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

LAMKALTU 21:25

Jentail mi zumtu i a simi hna kong tu ah cun, kannih nih ca kan kuat cang hna i siasal sinah pekchanh ciami rawl nan ei lai lo, thi nan ei lai lo, hngawngdih sa paohpaoh nan ei lai lo, pumsa sualnak kha nan tuah lai lo tiah kan biakhiahnak a si tiin kan ti cang hna,” tiah an ti.

LAMKALTU 21:3

Saipras tikulh a langhnak tiang kan va phan i cuka cun thlanglei ah kan vung kal i Siria ah kan lan. Tair khua ah tikam ah kan ṭum i cuka ah cun lawng nih a thil phorhmi kha a ṭhumh.

LAMKALTU 23:26

“Klaudias Lisias nih Mangki Bawipa Feliks sinah ca kan kuat. Na cungah daihnak um ko seh.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

GALATI 1:21

Cu hnuah cun Siria ram le Silisia ram ah khan ka kal.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.

2 JOHAN 1:10

Ahohmanh nan sin i an rat tikah hi cawnpiaknak hi an rak i ratpi lo ahcun, tluninn rak onh hna hlah u; “Na cungah daihnak um ko seh,” ti zongah rak ti hna hlah u.

2 JOHAN 1:13

Na dawtmi na Unaunu fale hna nih daihnak an in kuat.

2 JOHAN 1:3

Pa Pathian le a Fapa Jesuh Khrih nih velngeihnak le zaangfahnak le daihnak cu an kan pek lai i biatak le dawtnak in kan ta an si zungzal lai.

3 JOHAN 1:14

Tuan ah ka rak in hmuh hna lai i cu tikah kan pum tu in kan i ruah hna lai.