LAMKALTU 15:20 - Lai (Hakha) Common Language Bible 2006

²⁰ Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

Laibaibal Thiang (BSI)

²⁰ Milem biaknâk sa ei le, nupa sualnâk tuah le hngawngdih sa ei le sathi ei kha i sûm hna seh, tiah an sinah ca ṭial u sih, tiah ka ruah bik ko,” tiah a ti.

LAMKALTU 15:20 ပူးပေါင်းရင်းမြစ်များ

GENESIS 35:2

Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.

GENESIS 9:4

asinain sa kha a chung i thi a um lioah cun nan ei lai lo, zeicahtiah nunnak cu thi cu a si.

EXODUS 20:23

Keimah he biak ṭi awkah, sui in siseh, ngun in siseh pathian nan i ser hna lai lo.

EZEKIEL 33:25

Cucaah annih cu chim hna law, hihi Bawipa Pathian bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

EZEKIEL 4:14

Sihmanhsehlaw kei nih kaa thawh i, “Maw Bawipa Pathian, zeitikhmanh ah kaa thurhhnawmh bal lo, amah tein a thimi maw, sa nih a sehmi maw, zeitikhmanh ah ka ei bal lo; sa thurhnawm ka kaa chungah a lut bal lo,” tiah ka ti.

DANIEL 1:8

Daniel nih cun siangpahrang nih a ka pekmi rawl le zu hin kaa thurhhnawmh hrimhrim lai lo a ti i tilditmi bawi bik cu, cu bantuk cu ka tuahter hlah, tiah a nawl.

LEVITIKAS 18:6

“Nannih lak i ahohmanh nih mah he aa naihmi rualchan cu an pumlawnnak hlim awkah nan fuk hna lai lo. Keimah hi Bawipa cu ka si.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

LAMKALTU 21:25

Jentail mi zumtu i a simi hna kong tu ah cun, kannih nih ca kan kuat cang hna i siasal sinah pekchanh ciami rawl nan ei lai lo, thi nan ei lai lo, hngawngdih sa paohpaoh nan ei lai lo, pumsa sualnak kha nan tuah lai lo tiah kan biakhiahnak a si tiin kan ti cang hna,” tiah an ti.

1 KORIN 5:11

ka rak in chimh duhmi hna cu, Khrihfa ka si ve aa ti ṭung i sualnak a tuahmi, a hak a kaumi, siasal a biami, mi congoih a hmangmi, zu a rimi, mifir a simi, hi hna he hin nan i kom lai lo ka ti duhnak a si; cu bantuk mi hna he cun rawl hmanh hmunkhat ah ei ṭi hlah u.

1 KORIN 6:13

Cun a cheu nih nan i thawh ṭhan i, “Rawl cu paw caah a si, paw cu rawl caah a si,” nan ti; a si taktak, sihmanhsehlaw Pathian nih a donghter veve hna lai. Minung pum hi sual tuahnak caah hman ding a si lo, Bawipa rianṭuannak ca tu ah hman ding a si deuh, Bawipa zong nih pum caah rian a ṭuan ve.

1 KORIN 6:18

Nu le pa sualnak kha hrial ko u. Sualnak dang nih cun mi hi a pum kha a hnorsuang lo, asinain nu le pa sualnak a tuahmi nih cun amah pum cung hrimhrim ah khan sualnak a tuah a si.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

1 KORIN 7:2

Sihmanhsehlaw sualpalhnak a tam tuk hringhran caah hin, pa nih mah nupite i ngeih seh law nu nih mah vate i ngeih seh.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

GALATI 5:19

Minung sining nih a tuah tawnmi cu a fiang ko: nu le pa sualnak tehna, a thurhnawmmi thil tehna, aa dawhcah lomi thil tehna,

EFESA 5:3

Nannih cu Pathian mi nan si caah nu le pa sualnak le dawhcah loin khuasaknak le hakkauhnak cu a chim hmanh nan chim awk a si lo.

DEUTERONOMI 12:16

A thi bel kha nan ei lai lo; vawlei cungah ti bangin nan thlet lai.

DEUTERONOMI 14:21

“Zeihmanh amah thih in a thimi cu nan ei lai lo; ramdangmi nan khua chung i a ummi hna kha nan pek hna lai, an duh ahcun an ei hna lai, asiloah phun dangmi sinah nan zuar khawh lai; zeitintiah nannih cu Bawipa nan Pathian caah a thiangmi miphun nan si. “Meheh fa cu a pi hnuk in nan chuang lai lo.

DEUTERONOMI 15:23

A thi bel nan ei lai lo; vawlei ah ti bantukin nan thlet lai.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1THESALON 4:3

Pathian nih nannih cu a thiangmi le nu le pa sualnak aa summi si hna seh ti kha an duh hna.

HEBRU 12:16

Ahohmanh nu le pa sualnak tuah hlah u, thlarau lei thil zeihmanh i a rel lomi Esau bantuk zong si hlah u, anih nih cun rocotu sinak kha rawl voi khat ei men ah a zuar ko.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

BIAPHUAN 10:2

A kut in aa samhmi cazual hmete pakhat aa put. A orhlei ke in rili kha a lamh i a kehlei ke in vawlei kha a lamh,

BIAPHUAN 10:8

Cun vancung in aw ka theihmi nih khan a run ka chawnh ṭhan i, “Rili cung le vawlei cungah a dirmi vancungmi nih aa putmi cazual aa samhmi kha va la tuah,” a ti.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.

1 SAMUEL 14:32

mi hna nih cun hranchaw kha an zuanhnawh hna i tuu hna le cawtum hna le cawfa hna kha an lak hna i vawlei ah an thah hna i mi nih cun an thisen he an ei chih hna.

1 SAMUEL 14:33

Cun Saul kha an chimh i, “Zohhmanh, mi nih thisen an einak thawng in Bawipa sinah an sual cang,” tiah an ti. Cun anih nih, “Nannih nih hlennak in nan tuah cang; hika ah hin keimah sinah lungpi pakhat in rak hril tuah u,” tiah a ti.