LAMKALTU 15:18 - Lai (Hakha) Common Language Bible 2006

¹⁸ Cuticun Bawipa, hlanlio piin thil a rak chimtu nih cun a ti.’

Laibaibal Thiang (BSI)

¹⁸ Zungzal in a tuahmi thil vialte hngalhtertu Pathian nih a ti, tiah ṭialmi bangin.

LAMKALTU 15:18 ပူးပေါင်းရင်းမြစ်များ

ISAIAH 44:7

Ka tuahmi hi a tuah khotu a dang aho tal an um maw? Caan hramthawknak in caan donghnak tiang thil a um lai ding fiang tein a chimchung khotu aho tal an um maw?

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

AMOS 9:12

Edom ram a tangmi le ka min in auh a rak simi miphun vialte kha an co hna lai. Mah hihi Bawipa bia hrimhrim a si i amah nih cun a tuah lai.

ZEKHARIAH 14:7

A dihlak in ni khat a si dih ko lai i cu ni a rat lai ding cu Bawipa lawnglawng nih a hngalhmi a si, chun zan ti zeihmanh a um lai lo, zan ah ceunak a um ko lai.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 3:9

Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.