LAMKALTU 14:8 - Lai (Hakha) Common Language Bible 2006

⁸ Listra khua ah cun kebeimipa pakhat a rak um; amah cu a chuah kate in a beimi a si i a kal kho bal lo.

Laibaibal Thiang (BSI)

⁸ Lustra khua ah kezengmi a ṭhu tawn i a nu paw chungin zengcia in a chuakmi a si i ke in a kal bal lo.

LAMKALTU 14:8 ပူးပေါင်းရင်းမြစ်များ

JOHAN 5:7

Mizaw pa nih cun, “Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal,” tiah a leh.

LAMKALTU 14:21

Paul le Barnabas nih Derbe khua ah cun Thawngṭha kha an chim i zultu tampi an hmuh hna. Cun Listra ah khan an kir i cuka cun Ikonium le Pisidia ram Antiok khua ah khan an kal.

LAMKALTU 14:6

Cu kong cu lamkaltu hna nih an theih tikah Likaonia ram i a ummi Listra le Derbe khua le cu khua hna pawngkam ram ah khan an zam.

LAMKALTU 16:1

Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

LAMKALTU 3:2

Khika ah, Kutka Dawh timi ah khan a chuah kate in a ke a beimi pakhat kha a rak um. Biakinn i a kalmi hna kha tangka a hal khawh hna nakhnga amah cu ni fate in cu kutka ah cun a puak in an hei puak tawn.

LAMKALTU 4:9

A beimipa cungah thil ṭha tuah a sinak kong le zeitindah damter a sinak kha nihin ah hin nan kan hal duhmi cu a si ahcun,

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.