LAMKALTU 14:27 - Lai (Hakha) Common Language Bible 2006

²⁷ Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

Laibaibal Thiang (BSI)

²⁷ An phâk hnu ah kawhhran kha an kawh hna i Pathian nih anmah hmangin a tuahmi vialte le Gentel mi hna caah zumhnâk lam Bawipa nih a onpiaknâk kong kha an chim hna.

LAMKALTU 14:27 ပူးပေါင်းရင်းမြစ်များ

JOHAN 9:10

Annih nih, “Zeitindah na mit kha na au khawh kun hna?” tiah an hal.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 15:12

Barnabas le Paul nih, Pathian nih Jentail mi hna lakah a hman hna i anmah thawngin khuaruahharnak a tuahmi vialte kha an chim tikah, annih cu an ningpi in dai tein an um.

ROM 15:18

Pathian nawl ngaihnak i Jentail mi hna cu kalpi awkah, bia in siseh, tuahnak in siseh, hmelchunhnak le khuaruahhar ṭhawnnak in siseh,

1 KORIN 11:18

A hmasa bik ah, nan i pumhnak ah a bubu in nan i ṭhen ti ka theih i cucu ahmaan pah ṭheo lai tiah ka zumh.

1 KORIN 14:23

Cucaah khrihfabu cu hei i pum u law, cu nan i pumhnak ah cun nan dihlak in holhtheihlo in hei holh u law — mi pakhatkhat maw, asiloah Pathian bia lomi maw rung lut seh law, mihrut an i ti hna hnga lo maw?

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 16:9

A ka dohtu tampi an um nain hika ah hin rianṭuannak caan ṭha ngai a um.

1 KORIN 5:4

Nannih nan i pumh tikah, kei zong kan sinah a ummi kan Bawipa Jesuh ṭhawnnak thawngin ka lungthin in nan sinah kaa pumh ve caah,

2 KORIN 2:12

Khrih kong Thawng Ṭha kha chim awkah Troas khua ka phak tikah, Bawipa nih cu rian ṭuannak caah lam a ka onh ti kha ka hmuh.

KOLOSE 4:3

Cun Pathian nih a bia chimnak caan, Khrih biathli phuannak caan cu a kan pek nakhnga kannih ca zongah thla rak cam lengmang ve u. Atu thong i ka tlaknak chan hi cucu pei a si cu.