LAMKALTU 14:1 - Lai (Hakha) Common Language Bible 2006

¹ Cu bantuk ṭhiamṭhiam cun Ikonium khua zongah a si: Paul le Barnabas cu Judah mi pumhnak inn ah khan an va kal i bia kha an chimh hna i Judah mi le Jentail mi mi tampi kha zumtu ah an i cang.

Laibaibal Thiang (BSI)

¹ Ikonion khua ah Judah mi hna sinagog ah an lut i bia an chim i Judah mi le Grik mi tampi nih an zumh.

LAMKALTU 14:1 ပူးပေါင်းရင်းမြစ်များ

MARKA 7:26

Cu nu cu Jentail mi, Siria ram Foinisia khua i a chuakmi a si. Jesuh cu, ka fanu chung i a ummi khuachia cu ka ṭhawlpiak tuah, tiah a nawl.

JOHAN 12:20

Puai caan lio i Pathian biak awkah Jerusalem i a hung kalmi hna lakah khan Grik mi tlawmpal an i tel ve.

JOHAN 7:35

Cucaah Judah upa hna cu pakhat le pakhat kha, “Khuazei ah dah kal aa timh hnga? Kan hmuh khawh lonak khuazei ah dah kal aa timh hnga? Grik mi khua pakhatkhat, Judah mi an umnak ah maw va kal i Grik mi hna cu va cawnpiak aa timh hnga?

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

LAMKALTU 13:5

Salamis khua an phak tikah khika ah Judah mi hna pumhnak inn ah khan Pathian bia kha an chim. An rian a bawmtu hna caah Johan Marka kha an i kalpi.

LAMKALTU 13:51

Lamkaltu hna nih khan an kebeh cu an khawnhnawhtak hna i Ikonium ah an kal.

LAMKALTU 14:19

Pisidia ram Antiok khua le Ikonium khua in Judah mi tlawmpal kha an ra i mizapi cu anmah leiah an ṭanter khawh hna, Paul kha lung in an cheh i a thi cang rua tiah an ruah caah khua lengah khan an hnuh.

LAMKALTU 14:2

Sihmanhsehlaw a zum duh lomi Judah mi hna nih khan Jentail mi kha an forh hna i unau pawl kha an huatter hna.

LAMKALTU 14:21

Paul le Barnabas nih Derbe khua ah cun Thawngṭha kha an chim i zultu tampi an hmuh hna. Cun Listra ah khan an kir i cuka cun Ikonium le Pisidia ram Antiok khua ah khan an kal.

LAMKALTU 16:1

Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

LAMKALTU 16:2

Listra le Ikonium i a ummi unau pawl vialte nih Timote cu an thangṭhatmi a si.

LAMKALTU 17:12

Annih lak i mi tampi nih khan an zumh; cun Grik mi nu tampi mirum le upa a simi hna le Grik mi pa tampi zong nih khan an zumh ve.

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

LAMKALTU 17:4

A cheu cu an lung a pem i Paul le Silas sinah khan an i fon; cun Pathian a biami Grik mi mi tampi hna le nu upa tampi hna zong kha an i fon ve.

LAMKALTU 18:4

Sabbath fate pumhnak inn ah khan Judah mi he Grik mi he, an lung pemter awkah bia a chimh lengmang hna.

LAMKALTU 18:8

Pumhnak inn i haotu a simi Krispas le a chungkhar dihlak nih khan an zumh; cun Korinth khua chung i mi tampi hna nih khan bia cu an theih i an zumh i tipilnak an in.

LAMKALTU 19:10

Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

LAMKALTU 19:17

Efesa khua i a ummi Judah mi le Grik mi vialte hna nih cu kong cu an theih i an thin a phang i Bawipa Jesuh min cu an upat chinchin.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 21:28

“Israel mi hna, kan bawm tuah u. Hi pa hi pei a kenkiplo ah a kal i Israel mi ralchanh le Moses Phungbia ralchanh le hi biakinn ralchanh in mi a cawnpiak lengmangtu hna cu a si cu. Cun atu hi hi biakinn chungah hin Jentail mi hna hmanh kha a luhpi hna i a thurhhnawmhter cang,” tiah an au.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

ROM 10:12

A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna.

GALATI 2:3

Ka hawi Titas cu Grik mi a si nain ahohmanh nih cuarpar tan an fial lo;

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.