LAMKALTU 13:50 - Lai (Hakha) Common Language Bible 2006

⁵⁰ Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

Laibaibal Thiang (BSI)

⁵⁰ Asinain Judah mi nih Pathian ṭanhtu mirum hna le nu minthang deuh kha an forh hna i Paul le Barnabas serhsat dingin an thawhter hna i an ram in an ṭhawl hna.

LAMKALTU 13:50 ပူးပေါင်းရင်းမြစ်များ

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

AMOS 7:12

Cun Amos hrimhrim cu Amaziah nih cun a thawh i, “Hmuh thiampa, kal cang! Judah ram ah cun vung kal ko. Khika ah cun vung kal law na pawcawmnak zong na hmuh khawh deuh lai.

MATTHAI 10:23

Cun khua pakhat i an in hrem hna tikah, khua dang ah va zaam ko u. Hihi kan chimh hna: Mi Fapa a rat hlanah, Israel ram khua dihlak kha nan ṭol dih manh hna lai lo.

MARKA 15:43

Amah cu biaceihtu bu chung i an upatmi pakhat a si ve i Pathian Pennak a rat lainak aa ruahchihmi a si. Cu ni cu cawnningani a si (cucu Sabbath ni a nizan kha a si). Cucaah Josef cu ralṭha ngaiin Pilat sinah khan a vung lut i Jesuh ruak kha a hal.

MARKA 5:17

Cucaah Jesuh cu, kan ram in chuak ko, tiah an nawl.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 13:45

Judah mi nih mizapi kha an hmuh hna tikah nahchuahnak in an khat; Paul nih a chimmi kha an al i amah kha an nihsawh.

LAMKALTU 14:19

Pisidia ram Antiok khua le Ikonium khua in Judah mi tlawmpal kha an ra i mizapi cu anmah leiah an ṭanter khawh hna, Paul kha lung in an cheh i a thi cang rua tiah an ruah caah khua lengah khan an hnuh.

LAMKALTU 14:2

Sihmanhsehlaw a zum duh lomi Judah mi hna nih khan Jentail mi kha an forh hna i unau pawl kha an huatter hna.

LAMKALTU 14:4

Khuachungmi cu an i cheu: a cheu nih Judah mi kha an ṭanh hna i a cheu nih lamkaltu kha an ṭanh hna.

LAMKALTU 14:5

Cun Jentail mi hna le Judah mi hna nih khan, an hruaitu hna he, lamkaltu hna kha nihsawh le lung in cheh awk kha an i tim.

LAMKALTU 16:14

Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

LAMKALTU 17:12

Annih lak i mi tampi nih khan an zumh; cun Grik mi nu tampi mirum le upa a simi hna le Grik mi pa tampi zong nih khan an zumh ve.

LAMKALTU 17:13

Sihmanhsehlaw Thesalonika khua i a ummi Judah mi hna nih khan Paul nih Berea khua zongah Pathian bia a chim hoi ti an theih tikah an ra i mi cu an hung forh hna i an hung tuai hna.

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

LAMKALTU 17:4

A cheu cu an lung a pem i Paul le Silas sinah khan an i fon; cun Pathian a biami Grik mi mi tampi hna le nu upa tampi hna zong kha an i fon ve.

LAMKALTU 18:7

Cucaah annih cu a chuahtak hna i Jentail mi a min Titius Justas a simi inn ah khan a um; amah cu Pathian a biami a si i a inn cu pumhnak inn pawngah khan a si.

LAMKALTU 2:5

Cun Jerusalem khua chungah vawleicung khuazakip in a rami Judah mi an um liote kha a si; cu hna cu biaknak lei i aa zuam ngaingaimi pawl kha an si.

LAMKALTU 21:27

Ni sarih kha a dongh deng nawn tikah khin Asia ram in a rami Judah mi tlawmpal hna nih Paul kha biakinn chungah cun an hmuh. Mizapi kha an tuai ciammam hna i Paul kha an tlaih.

LAMKALTU 28:17

Ni thum hnuah cuka i a ummi Judah mi hruaitu hna kha Paul nih cun pumh a sawm hna. An i pumh tikah a thawh hna i, “Ka u le ka nau hna, kan miphun cungah siseh, kan pupa hna sinin kan hmuhmi kan phunglam cungah siseh ṭhat lonak zeihmanh ka tuah lo nain Jerusalem ah thong ah an ka thlak i Rom mi hna kut chungah an ka chanh.

LAMKALTU 6:12

Cuticun mizapi le upa hna le Phungbia cawnpiaktu saya hna kha an tuai hna. Steven cu an fuh i an tlaih i khawngsil hmaiah an chuahpi.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

ROM 10:2

Pathian a ṭanh ngaingaimi an si cu tehte ka khan khawh, sihmanhsehlaw cu an ṭanhning cu palh ṭanh a rak si.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

1THESALON 2:14

U le nau hna, Judea ram chung i a ummi Pathian Khrihfabu, cuka ram i a ummi Khrih Jesuh mi a simi hna cung i a tlungmi thil bantuk nih nannih zong an tlunhnawh ve hna. Judah mi nih hremnak an pek hna bantukin nannih zong nanmah rammi lila nih hremnak an in pek ve hna,

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.