LAMKALTU 13:5 - Lai (Hakha) Common Language Bible 2006

⁵ Salamis khua an phak tikah khika ah Judah mi hna pumhnak inn ah khan Pathian bia kha an chim. An rian a bawmtu hna caah Johan Marka kha an i kalpi.

Laibaibal Thiang (BSI)

⁵ Salamis khua an phâk tikah Judah mi sinagog ah Pathian bia an chim. Anmah bawmtu dingah Johan zong kha an i kalpi.

LAMKALTU 13:5 ပူးပေါင်းရင်းမြစ်များ

1 SIANGPAHRANG 19:21

Cun amah zulhnak cun a kir i cawtum tuah khat cu aa lak i a thah hna i an sa cu caw lei thuannak thing cun a chuan i mi cu a pek hna i an ei. Cun a tho i Elijah kha a zulh i amah cu a rian kha a ṭuanpiak.

1 SIANGPAHRANG 19:3

Khi tikah a thin a phang i a tho i a zam i Judah ta a simi Beersheba khua ah a phan, khika ah a sinum kha a chiah ta.

2 SIANGPAHRANG 3:11

Cun Jehoshafat nih a thawh i, “Hika ah hin Bawipa a kan halpiaktu ding Bawipa profet aho tal an um lo maw?” tiah a ti. Cu tikah Israel siangpahrang sinum pakhat nih a leh i, “Elijah kut i ti a rak toihtu Elisha, Shafat fapa kha hika ah hin a um ko,” tiah a ti.

EXODUS 24:13

Moses cu a sal Joshua he khan an i tim i Pathian tlang ah cun an hung kai.

MATTHAI 20:26

Sihmanhsehlaw nannih cu cuticun nan si awk a si lai lo. Nan lak i pakhat khat nih ngan a duh ahcun nan sinum a si awk a si.

LAMKALTU 12:12

Thil umtuning kha a hung fian tikah Johan Marka nu Mary inn ah khan a va kal. Khika ah cun mi tampi kha an rak i pum i thla an rak cam.

LAMKALTU 12:25

Barnabas le Saul nih khan an rian cu an lim i Jerusalem in an ra kir i Marka kha an i ratpi.

LAMKALTU 13:14

Perga cun an hei kal i Pisidia ram Antiok khua kha an phan; cun Sabbath ni ah pumhnak inn ah khan an kal i an ṭhu.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

LAMKALTU 14:1

Cu bantuk ṭhiamṭhiam cun Ikonium khua zongah a si: Paul le Barnabas cu Judah mi pumhnak inn ah khan an va kal i bia kha an chimh hna i Judah mi le Jentail mi mi tampi kha zumtu ah an i cang.

LAMKALTU 15:37

Barnabas nih khan Johan Marka kha i kalpi ṭhan a duh;

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

LAMKALTU 18:4

Sabbath fate pumhnak inn ah khan Judah mi he Grik mi he, an lung pemter awkah bia a chimh lengmang hna.

LAMKALTU 19:22

Cucaah amah a bawmtu pahnih Timote le Erastas kha Masidonia leiah a thlah hna i amah tu cu Asia ram chungah khan caan tam deuh a run hmang.

LAMKALTU 19:29

Cuti i an i tuainak cu khuachung kha a khat dih. Mibu nih cun Paul sin i khual a tlawng vemi Masidonia mi pahnih, Gaius le Aristarkas kha an tlaih hna i bual ah khan an tlikpi hna.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

KOLOSE 4:10

Ka thongtlahawi i a simi Aristarkas nih nan kut an tlaih hna; cun Barnabas tupa Marka zong nih an tlaih ve hna. (Nan khua lei i a rat sual ahcun ṭha tein rak conglawmh u tiah tinak bia kha nan hmuh cang).

2TIMOTE 4:11

Luka lawng ka sinah a um. Marka kha rak i ratpi, zeicahtiah ka rianṭuannak ah misantlai ngai a si.