LAMKALTU 13:36 - Lai (Hakha) Common Language Bible 2006

³⁶ David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

Laibaibal Thiang (BSI)

³⁶ Zeitintiah David cu, Pathian duhning in a cân lioah minung hna caah rian a ṭuan dih in â hngilh i a pu le hna sinah an vui i a thu diam cang,

LAMKALTU 13:36 ပူးပေါင်းရင်းမြစ်များ

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

2 SAMUEL 7:12

Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

1 SIANGPAHRANG 2:10

Cun David cu a pupa hna sinah a it i David khua ah khan an vui.

1 CHANRELNAK 11:2

Kan hnulei caan, Saul siangpahrang a si lio hmanh ah khan, Israel mi a chuahpitu le a luhpitu cu nangmah na si; cun Bawipa na Pathian nih nangmah cu, ‘Ka mi Israel mi hna cungah tuukhal na si lai i ka mi Israel mi hna cungah bawi na si lai,’ an ti,” tiah an ti.

1 CHANRELNAK 17:11

Na pupa hna sin i um awkah na ni kha a tlin tikah, na hnuah na tefa, na fapa hna lak i pakhat cu a chan ka thawhter lai i a pennak cu ka fehter lai.

1 CHANRELNAK 18:14

Cucaah David nih Israel mi vialte cu a pen hna i a mi vialte cu biading le ruannak in a uk hna.

1 CHANRELNAK 29:28

Cun upa ngaingai, tartlung nung in, rumnak le upatnak he a thi; cun Solomon a fapa cu amah hmun ah khan a hung bawi.

2 CHANRELNAK 12:16

Cun Rehoboam cu a pupa hna sinah a it i David khua chungah khan an vui; cun a fapa Abijah kha amah hmun ah cun a hung bawi.

2 CHANRELNAK 21:1

Jehoshafat cu a pupa hna sinah a it i a pupa hna sinah David khua ah an vui; cun a fapa Jehoram cu amah hmun ah khan a hung bawi.

2 CHANRELNAK 26:23

Cun Uzziah cu a pupa hna sinah a it i, “Amah cu mithinghmui a si caah siangpahrang hna thlan ah vui loin siangpahrang hna thlanmual ah khan a pupa hna sinah an vui. Cun a fapa Jotham cu amah hmun ah khan a hung bawi.

2 CHANRELNAK 9:31

Cun Solomon cu a pupa hna sinah a it i a pa David khua ah khan an vui; cun a fapa Rehoboam cu amah hmun ah khan a hung bawi.

JOB 17:14

Thlan cu, ka pa na si, ka ti lai i A ka eitu rungrul cu, ka nu le ka far nan si, ka ti hna lai.

JOB 21:26

Leidip chungah bangrep in an it i cangcel nih an khuh hna.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

SALM 49:9

thlan chungin a luattertu le zungzal in a nuntertu ah a zaa bal lai lo.

MATTHAI 25:16

Thong nga a hmumi sal nih khan cu tangka cun chaw a let zau i a dang thong nga a miak a hmuh.

JOHAN 11:39

Jesuh nih, “Lungpher hi ṭhial tuah u,” tiah a ti hna. Mithi pa far Martha nih cun, “Bawipa, a nam tuk cang lai, kan vuinak ni li a si cang,” tiah a ti.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

LAMKALTU 2:29

“U le nau hna, kan pu David kong kha fiang tein in chim tuah hna ning. Anih cu a thi i an vui i nihin ni tiang hin a thlan zong kan sinah a um ko rih.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

1 KORIN 15:18

Cuhleiah Khrih a zummi a thi cangmi zong kha an lotlau dih ti a si fawn hnga.

1 KORIN 15:6

cun a zultu za nga ringlo sinah khan voi khatte ah a lang i a cheu cu an thi cang nain a tam deuh cu an nung rih;

1THESALON 4:13

U le nau hna, ruahchannak a ngei lomi hna an ngaih a chiat bantukin nan ngaih a chiat nakhnga lo, nannih cu a thi ciami hna kong i biatak kha hngalhter kan in duh hna.