LAMKALTU 13:30 - Lai (Hakha) Common Language Bible 2006

³⁰ Sihmanhsehlaw Pathian nih mithi hna sin khan a thawhter i

Laibaibal Thiang (BSI)

³⁰ Asinain Pathian nih thihnâk in a thawhter.

LAMKALTU 13:30 ပူးပေါင်းရင်းမြစ်များ

MATTHAI 28:6

Amah cu hika ah hin a um ti lo, a chim bantukte khan, a tho cang. Ra u law an chiahnak hmun hi ra zoh hmanh u.

JOHAN 10:17

“Ka Pa nih a ka dawt cu ka nunnak kha pek ka sian caah a si, cu pek ka sian cu ka nunnak kha ka hmuh ṭhan nakhnga caah a si.

JOHAN 2:19

Jesuh nih cun, “Hi Pathian biakinn hi ṭhet u law ni thum chungah ka sak ṭhan ko lai,” tiah a leh hna.

LAMKALTU 10:40

Sihmanhsehlaw ni thumnak ni ah Pathian nih thihnak in a thawhter i mi kip sinah si loin,

LAMKALTU 13:34

“Cun mithi hna sinin a thawhnak kong, thutnak i zeitikhmanh ah a kir ṭhan ti lai lonak kong ah Pathian nih a chimmi cu, ‘A thiangmi le zumh awk a tlakmi thluachuahnak, David ka rak kamhmi kha, nangmah kan pek lai,’ ti hi a si.

LAMKALTU 13:37

Sihmanhsehlaw mithi hna sinin Pathian nih a thawhtermi cu thutnak kha a ing lo.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 4:10

nannih nan dihlak le Israel mi vialte dihlak nih nan hngalh awk cu, hi pa dam hirhiar tein nan hmaiah a dir khawhnak cu Nazareth khuami Jesuh Khrih, nannih nih nan thah i Pathian nih thihnak in a thawhter ṭhanmi a min ṭhawnnak thawngin a si.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.