LAMKALTU 13:23 - Lai (Hakha) Common Language Bible 2006

²³ Hi pa tefa chung hin, Pathian nih bia a rak kam cang hna bangin, Israel mi cu khamhtu Jesuh kha a pek hna.

Laibaibal Thiang (BSI)

²³ Hi minung tefa chungin, bia rak kamciami bangin, Pathian nih Israel mi hna caah khamhtu Jesuh a rak chuahter,

LAMKALTU 13:23 ပူးပေါင်းရင်းမြစ်များ

2 SAMUEL 7:12

Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

SALM 132:11

David sinah biakamnak fek pakhat, na let ṭhan lo dingmi kha na rak ser, cu na biakamnak cu hihi a si: “Na fapa pakhat cu siangpahrang ah ka ser lai i na hnuah amah cu uktu bawi a rung si lai.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 43:11

Keimah lawnglawng hi Bawipa cu ka si, keimah lawnglawng hi nanmah an khamh khotu hna cu ka si.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

ISAIAH 7:13

Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

JEREMIAH 30:9

Bawipa an Pathian le an caah ka chuahter laimi an siangpahrang David kha an rian an ṭuan cang hna lai, tiah Ralkapbu Bawipa nih a ti.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

MATTHAI 1:21

Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

MATTHAI 22:42

“Messiah kong hi zeitindah nan ruah? Aho hrinsor dah a si?” tiah a hal hna. Annih nih “David hrinsor a si,” tiah an leh.

LUKA 1:69

Kan caah a ṭhawngmi Khamhtu kha a chuahter cang. Amah cu a sal David tefa kha a si.

JOHAN 4:42

minu cu an thawh i, “Atu cu nangmah na chimmi ruangah khan si loin, kan mahte nih kan theihmi le amah cu vawlei Khamhtu a si hrimhrim ti kha kan hngalh caah kan zumh,” an ti.

JOHAN 7:42

Cathiang nih pei Messiah cu David tefa a si lai i David khua Bethlehem ah a chuak lai, a ti kha,” an ti.

LAMKALTU 13:32

Cun atu hi, hi Thawngṭha hi nannih sin phakpi awkah hika i kan ratnak cu a si. Kan pupa hna sinah, ka tuah lai, tiah Pathian nih bia a rak kammi kha, kannih an tefa hna sinah hin atu cu a tuah cang, cucu Jesuh a nunter ṭhan hi a si. Cucu Salm fung hnihnak chung i ‘Nangmah cu ka Fapa na si, nihin ah na Pa ka si cang,’ tiah aa ṭial bantuk khan a si.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

ROM 1:3

cucu a Fapa kan Bawipa Jesuh Khrih kong kha a si. Minung lei in ti ahcun David hrinsor a si,

ROM 11:26

Cun Israel mi vialte khamh an si lai cu hitihin a si lai: Cathiang nih, “Zion in Khamhtu cu a ra lai i Jakob tefa hna chungin ṭhat lonak vialte kha a hloh lai.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

2 PETER 1:11

Cuticun kan Bawipa le kan Khamhtu Jesuh Khrih Pennak, zungzal in a hmunmi chungah khan luhnak nawl nan hmu lai.

2 PETER 2:20

Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih ṭhan hna i a tei ṭhan ahcun, a hramthawk i an rak umning nakkhan an donghnak cu a chia deuh.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

1JOHAN 4:14

Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.

JUDAS 1:25

kan Pathian le kan Khamhtu cungah cun, a liam ciami caan vialte in atu caan in zungzal caan tiang, kan Bawipa Jesuh Khrih thawngin, lianhngannak le sunparnak le ṭhawnnak le nawlngeihnak cu, um zungzal ko seh! Amen.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.