LAMKALTU 13:2 - Lai (Hakha) Common Language Bible 2006

² Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

Laibaibal Thiang (BSI)

² Rawl ul in Bawipa rian an ṭuan lioah, Thiang Thlarau nih, “Barnabas le Saul hi ka thiahmi rian ṭuan awkah ka thleidanpiak u,” tiah a ti.

LAMKALTU 13:2 ပူးပေါင်းရင်းမြစ်များ

1 CHANRELNAK 16:4

Cuhleiah Levi mi a cheukhat cu Bawipa kuang hmai i rianṭuantu ah, Bawipa, Israel Pathian sinah thlacam awk le lawmh awk le thangṭhat awkah, a thiah hna.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

MATTHAI 17:21

Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 9:38

Cucaah rawlṭuan uktu bawi sinah cun, rawl ṭuantu tam deuh a thlah hna nakhnga, thla va cam tuah u,” a ti.

LUKA 10:1

Cu hnuah cun Bawipa nih a dang sawm sarih le pahnih kha a thim hna i amah a kalnak ding khua le hmun paoh ah khan a hmaiah pahnih pahnih in a thlah hna.

LUKA 2:37

kum sawm riat le kum li a si cang. Biakinn kha a kaltak bal lo i chun he zan he Pathian kha rawl ulh le thlacam in a biak.

LAMKALTU 10:19

Peter cu langhnak a hmuhmi a sullam kha zeidah a si hnga tiah hngalh aa zuam lengmang lioah khin Thlarau nih a vun thawh i, “Ngaihmanh, minung pathum nih an in kawl len ko.

LAMKALTU 10:30

Kornelias nih aa thawh i, “Tihni hmasa hmasa chin ah khan atu tikah hin ka inn ah zanlei suimilam pathum ah thla ka cam. Chikkhatte ah khin puan vaar aa aihmi pakhat ka hmaiah khin a hung dir i

LAMKALTU 13:3

Rawl an ulh i thla an cam dih in an cungah an kut an chuan i an thlah hna.

LAMKALTU 13:4

Barnabas le Saul cu Thiang Thlarau nih a fial hna bang khan Seleusia khua ah khan an vung kal i cuka cun Saipras tikulh ah tilawng in an kal.

LAMKALTU 14:26

cuka cun Antiok khua ah khan lawng in an kir ṭhan; Antiok khua cu, atu ah an limmi an rianṭuan awk caah Pathian velngeihnak chung i an rak sanh hnanak hmun kha a si.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 22:21

Sihmanhsehlaw Bawipa nih cun a ka thawh i, ‘Kal ko, zeicahtiah ram hlapi i a ummi Jentail mi hna sinah kan thlah lai,’ a ka ti,” tiah a ti.

LAMKALTU 4:36

Cu bantuk cun Saipras tikulh i a chuakmi Levi mi Josef nih

LAMKALTU 6:4

Kannih tu cu thlacam le Pathian Bia chimnak ah khan kan caan cu a dihlak in kan hmang ko lai,” tiah an ti.

LAMKALTU 8:29

Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

1 KORIN 12:11

Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

2 KORIN 11:27

Rian hrang ṭuan awk a um tawn, zan it loin voi tampi ka um a herh tawn, tihal le rawlṭam voi tampi ka in; rawl ei awk ngei lo le i dornak ngei lo le puan ngei loin ka um tawn.

2 KORIN 6:5

An kan tuk, thong ah an kan thlak, zapi bawmh in an kan bawmh; kan thazang celh lo tiangin an kan ṭuanter, hngilh lo le rawl loin kan um.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

EFESA 3:7

Thawngṭha rian ṭuantu ka si hi Pathian laksawng a si i cu laksawng cu Pathian nih a ṭhawnnak rian a ṭuannak ah hin hmuh awk aa tlakmi ka si lo nain a ka pek.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

KOLOSE 4:17

Cun Arkhipas kha, “Bawipa rian chungah ṭuan ding an in fialmi kha rak lim hrimhrim seh an in ti,” tiah rak chim u.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

2TIMOTE 1:11

Cu Thawngṭha thanhtu dingah Pathian nih lamkaltu le cawnpiaktu ah a ka ser i

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

2TIMOTE 4:11

Luka lawng ka sinah a um. Marka kha rak i ratpi, zeicahtiah ka rianṭuannak ah misantlai ngai a si.

2TIMOTE 4:5

Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

1 SAMUEL 2:11

Cun Elkanah cu Ramah khua ah inn ah a tlung. Cun ngakchiapa cu tlangbawi Eli hmaiah Bawipa rian kha a ṭuan.