LAMKALTU 13:19 - Lai (Hakha) Common Language Bible 2006

¹⁹ Kanaan ram chungah miphun phun sarih kha a hrawh hna i a mi hna cu ram ngeitu ah khan a ser hna.

Laibaibal Thiang (BSI)

¹⁹ Kanaan ram i mi phun sarih a tei hnuah an ram cu umnâk dingah a phawt hna.

LAMKALTU 13:19 ပူးပေါင်းရင်းမြစ်များ

GENESIS 12:5

Abram cu a nupi Sarai le a nau fapa Lot le Haran khua an um hnu i an ngeihmi an chawva vialte le an sal vialte hna he khan Kanaan ram lei kal ah cun aa thawh. Kanaan ram an phak tikah

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

1 SIANGPAHRANG 6:1

Israel mi Izipt ram in an chuah hnu kum za li le kum sawm riatnak kum, Solomon nih Israel mi a uk hna kum linak kum, thla hnihnak thla a simi Ziv thla chungah khan Bawipa inn sak hram cu a thawk.

NEHEMIAH 9:24

Cucaah an tefa hna cu an lut i ram cu an co i an hmaiah cun cu ram a rak hlumtu Kanaan mi hna kha na tei hna i annih cu an duhduh in an tuah hna nakhnga an kut chungah an siangpahrang hna le cu ram mi hna cu na chanh hna.

SALM 135:11

Cu hna cu: Amor mi siangpahrang Sihon, Bashan siangpahrang Og le Kanaan siangpahrang dihlak an si.

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

ISAIAH 34:17

Ram a phawtu hna cu Bawipa a si i amah nih an covo cio kha a pek hna lai. Ram chungah cun chan khat hnu chan khat an um lai i anmah ta a si zungzal cang lai.

LAMKALTU 7:45

Cun a hnu deuh ah a kan hringsortu hna nih kan thlam cu an pupa hna sin khan an lak i Joshua sin i an kal ah khan an i kalpi; an hmai in Pathian nih a dawimi hna ram kha an va lak tikah, thlam kha an i kalpi lengmang i cuka ah cun David chan tiang kha a um.

DEUTERONOMI 7:1

“Bawipa na Pathian nih, co awkah na va luhnak ram chungah an luhpi tik le nangmah hmai in miphun tampi, Hit mi le Girgash mi le Amor mi le Kanaan mi le Periz mi le Hiv mi le Jebus mi, nanmah nakin a ṭhawng deuh le a ngan deuhmi miphun phun sarih hna cu a ṭhawl hna i,

JOSHUA 14:1

Cun mah hna hi Kanaan ram chungah Israel mi nih an comi ram cu an si, tlangbawi Eleazar le Num fapa Joshua le Israel tefa hna chung i an phun cio lu hna nih an phawtmi hna cu an si.

JOSHUA 18:10

Shiloh ah cun Bawipa hmaiah Joshua nih camcawh fung a khiahpiak hna. Khika ah Joshua nih Israel mi hna cu ram kha a cheuh hna, an vo cio kha, a pek hna.

JOSHUA 19:51

Mah hna hi tlangbawi Eleazar le Nun fapa Joshua le Israel mi phun hna i an chung cio lu hna nih Shiloh ah Bawipa hmaiah tonnak thlam innka ah camcawhfung khiah in an phawtmi covo cu an si. Cuticun ram phawt cu an lim.

JOSHUA 23:4

Zohhmanh u, nannih cu a tang rihmi miphun hna kha nan phun cio caah ro ah kan pek hna, ka tei ciami miphun vialte hna he, Jordan tiva thawk in nitlaklei ah Rili Ngan tiang.

JOSHUA 24:11

Cun Jordan tiva kha nan tan i Jeriko kha nan phan i Jeriko khuami hna le Amor mi hna, Periz mi hna, Kanaan mi hna, Hit mi hna, Girgash mi hna, Hiv mi hna le Jebus mi hna zong nih nannih kha an rak in doh hna; annih cu nan kut chungah kan pek hna.

BIACEIHTU 11:26

Israel mi nih Heshbon le a khuate hna chungah le Aroer le a khuate hna chungah le, Arnon tiva kam i a ummi khua vialte hna chung i an um lio, kum za thum chungah khan, zeicahdah kha chungah khan na rak lak ṭhan hna lo?