LAMKALTU 13:17 - Lai (Hakha) Common Language Bible 2006

¹⁷ Hi Israel miphun Pathian nih hin, kan pupa hna kha a rak thim hna i Izipt ram chung i ramdangmi bantukin khua an vung sak lioah khan miphun nganpi ah a ser hna. Pathian nih a liannganmi a ṭhawnnak in Izipt ram in a chuahter hna i

Laibaibal Thiang (BSI)

¹⁷ Israel mi hna Pathian nih kan pu le kha a rak thim hna, Izip ram i khual an si lioah khan a rak cawisan hna, A kut samh in cuka in a rak chuahpi hna.

LAMKALTU 13:17 ပူးပေါင်းရင်းမြစ်များ

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

EXODUS 12:51

Cu ni hrimhrim ah cun Bawipa nih Israel mi hna cu an bu an bu cio in Izipt ram khan a chuahpi hna.

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:16

Bawipa nih Izipt ram in ṭhawnnak lianngan in a kan chuahpi caah hi phunglam cu nan caah, nan ban i nan i khihmi hmelchunhnak le nan cal i nan i ṭem chihmi hmelchunhnak bantukin, thil an hngalhter ṭhantu hna a si lai,” a ti.

EXODUS 14:8

Bawipa nih Faro cu a lung kha a ṭhawnter i Bawipa zohkhenhnak thawngin a chuakmi Israel mi kha a dawi hna.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

ISAIAH 44:1

Bawipa nih aa thawh i, “Ka sal Israel mi hna, ngai tuah u, Jakob tefa, ka mi thimmi hna, ngai tuah u.

AMOS 2:10

Amor mi hna ram co awkah Izipt ram in an chuahpitu hna kha keimah ka si i Ram car chungah kum sawm li an hruaitu hna kha keimah ka si.

MIKAH 6:4

Izipt ram in kan chuahpi hna, sal cannak ram in kan tlanh hna; Nanmah hruai awkah Moses le Aaron le Miriam kha ka thlah hna.

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

DEUTERONOMI 7:19

nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 SAMUEL 4:8

Belo kan si ai! Aho nih dah hi a ṭhawngmi khuazing hna ṭhawnnak chung hin a kan chuah khawh lai? Hi hna hi ramlak ah Izipt mi hna kha rai phunphun in a thattu khuazing an si.