LAMKALTU 11:22 - Lai (Hakha) Common Language Bible 2006

²² Cu thawng cu Jerusalem khua i a ummi Khrihfabu sinah a hung phan i cucaah Barnabas cu Antiok khua ah khan an hei thlah.

Laibaibal Thiang (BSI)

²² Cu thawng nih Jerusalem kawhhran hnakhaw a phân, cun Barnabas kha Antiok khua tiangin an hei thlah.

LAMKALTU 11:22 ပူးပေါင်းရင်းမြစ်များ

LAMKALTU 11:1

Judah peng chung i a ummi lamkaltu hna le unaule hna nih khan Jentail mi zong nih Pathian bia kha an cohlan ve ti kha an theih.

LAMKALTU 11:19

Steven an thah hnu i hremnak a hung chuakmi nih khan zumtu hna cu a kenkiplo ah a ṭhek dih hna. A cheu cu Foinisia le Saipras le Antiok tiang khan an kal i bia cu Judah mi lawng kha an chimh hna.

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 11:27

Cu lio hrawngah cun Jerusalem in Antiok ah khan profet tlawmpal an va kal i

LAMKALTU 15:2

Paul le Barnabas nih khan cu kong cu fak piin an al hna; cucaah Paul le Barnabas le Antiok khuami cheukhat kha Jerusalem khua ah hung kal hna seh law hi kongah lamkaltu pawl le upa hna kha hung tong hna seh, tiah bia an khiah.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 18:22

Sisaria a phak tikah Jerusalem ah khan a hung kal i khrihfabu kha a hung chawnhbiak hna i cu dih cun Antiok khua ah khan a lan.

LAMKALTU 6:5

Lamkaltu hna nih an chimmi cu an dihlak in an lung a si i cucaah zumhnak le Thiang Thlarau in a khatmi Steven, Filip, Prokhoras, Nikanor, Timon, Parmenas le Antiok khuami Jentail mi Nikolas, Judah phung a zulmi kha an thim hna.

LAMKALTU 8:14

Samaria mi nih Pathian bia kha an hmuh ve ti kha Jerusalem khua i a ummi lamkaltu pawl nih khan an theih tikah an sinah cun Peter le Johan kha an hei thlah hna.

LAMKALTU 9:27

Khi tikah Barnabas nih khan amah cu a bawmh i lamkaltu pawl sinah khan a kalpi. Zeitindah Saul nih lampi ah Bawipa a hmuhnak kong le Bawipa nih a sinah bia a chimnak kong tehna kha a chimh hna. Damaskas khua i Saul nih ralṭha ngaiin Jesuh min in phung a chimnak zong kha a chimh hna.

GALATI 2:11

Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.