LAMKALTU 11:20 - Lai (Hakha) Common Language Bible 2006

²⁰ Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

Laibaibal Thiang (BSI)

²⁰ Asinain an lak i cheukhat cu Saiparas tikulh le Sairin khua mi an si i cu mi hna cu Antiok khua an phâk tikah, Grik mi hna sinah bia cu an chim i Bawipa Jesuh kong kha an chim.

LAMKALTU 11:20 ပူးပေါင်းရင်းမြစ်များ

MATTHAI 27:32

Cun lam ah khan Sairin khuami Simon kha an ton i a vailam tahnak thing kha hramhram in an putter.

JOHAN 7:35

Cucaah Judah upa hna cu pakhat le pakhat kha, “Khuazei ah dah kal aa timh hnga? Kan hmuh khawh lonak khuazei ah dah kal aa timh hnga? Grik mi khua pakhatkhat, Judah mi an umnak ah maw va kal i Grik mi hna cu va cawnpiak aa timh hnga?

LAMKALTU 11:19

Steven an thah hnu i hremnak a hung chuakmi nih khan zumtu hna cu a kenkiplo ah a ṭhek dih hna. A cheu cu Foinisia le Saipras le Antiok tiang khan an kal i bia cu Judah mi lawng kha an chimh hna.

LAMKALTU 11:22

Cu thawng cu Jerusalem khua i a ummi Khrihfabu sinah a hung phan i cucaah Barnabas cu Antiok khua ah khan an hei thlah.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 11:27

Cu lio hrawngah cun Jerusalem in Antiok ah khan profet tlawmpal an va kal i

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 14:26

cuka cun Antiok khua ah khan lawng in an kir ṭhan; Antiok khua cu, atu ah an limmi an rianṭuan awk caah Pathian velngeihnak chung i an rak sanh hnanak hmun kha a si.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 15:30

Lamkaltu hna cu an thlah hna i Antiok khua ah cun an va kal; khika ah zumtu vialte kha an pumh hna i ca kha an pek hna.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 18:22

Sisaria a phak tikah Jerusalem ah khan a hung kal i khrihfabu kha a hung chawnhbiak hna i cu dih cun Antiok khua ah khan a lan.

LAMKALTU 2:10

Frizia ram hna, Pamfilia ram hna, Izipt ram hna le Libia ram chung i a ummi Sairin khua pawng ram hna in a rami kan si; cun a cheu cu Rom khua in a rami kan si,

LAMKALTU 4:36

Cu bantuk cun Saipras tikulh i a chuakmi Levi mi Josef nih

LAMKALTU 5:42

Cun nifate in biakinn chung le mi inn kip ah Messiah a simi Jesuh kong Thawngṭha kha an cawnpiak hna i an chimh lengmang hna.

LAMKALTU 6:1

Cu hnu tlawmpal ah cun, zumtu kha an karh chin lengmang tikah, Grik holh a hmangmi Judah mi hna le Judah holh a hmangmi Judah mi hna karlak ah khan siknak a um. Grik holh a hmangmi Judah mi hna nih khan kannih kan nuhmei hna cu ni fate thil i phawtnak ah hrelh deuh an si tiah an zai.

LAMKALTU 6:5

Lamkaltu hna nih an chimmi cu an dihlak in an lung a si i cucaah zumhnak le Thiang Thlarau in a khatmi Steven, Filip, Prokhoras, Nikanor, Timon, Parmenas le Antiok khuami Jentail mi Nikolas, Judah phung a zulmi kha an thim hna.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

LAMKALTU 8:35

Filip nih cun a vun i thawh i, hi Baibal cang hin i thawk in Jesuh kong Thawngṭha kha a chimh.

LAMKALTU 8:5

Filip cu Samaria ram khua ah khan a va kal i Messiah kong kha a va chimh hna.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

LAMKALTU 9:29

Grik holh in a holhmi Judah mi hna he zong khan bia an i ruah i a al zong an i al len, sihmanhsehlaw annih nih cun thah kha an timh.

1 KORIN 2:2

Zeicahtiah nan sin i ka um lioah khan Jesuh Khrih le vailam i an thahnak kong dah ti lo cu a dang zeihmanh ruah le khah kaa timhmi a um lo.

GALATI 2:11

Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le