LAMKALTU 11:16 - Lai (Hakha) Common Language Bible 2006

¹⁶ Khi tikah kan Bawipa nih, ‘Johan nih cun ti in tipilnak a pek hna, sihmanhsehlaw nannih cu Thlarau in tipilnak pek nan si lai,’ tiah a rak timi kha ka lung ah a hung pem.

Laibaibal Thiang (BSI)

¹⁶ Cuticun Bawipa bia, “Johan nih tiin baptisma an pêk hna i nannih cu Thiang Thlarau in baptisma nan in lai a timi kha ka hun hngalh ṭhân.

LAMKALTU 11:16 ပူးပေါင်းရင်းမြစ်များ

PHUNGTHLÛKBIA 1:23

Kan chimhhrin hnanak kha nan ngaih ahcun ruahnak kha kan cheuh hna lai i Ka bia kha kan cawnpiak hna lai.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

JOEL 3:18

Khi caan a phak tikah tlang hna cu mitsur dum nih a khuh dih hna lai i Fing kip ah saṭil run kha an tlong lulhmalh lai. Judah ram vialte caah ti tampi a um lai. Bawipa biakinn in tiva pakhat a luang lai i Shittim Nelrawn kha ti a pek dih lai.

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

MATTHAI 3:6

an sualnak kha an i phuang i Jordan tiva ah khan tipilnak a pek hna.

MARKA 1:8

Kei nih cun tiin tipilnak kha kan pek hna, sihmanhsehlaw anih nih cun Thiang Thlarau in tipilnak cu an pek hna lai,” tiah a ti.

LUKA 24:8

Cu tikah nu hna cu a bia kha an lung ah a hung pem i,

LUKA 3:16

Cucaah Johan nih cun an dihlak in a thawh hna i, “Kei nih cun tiin tipilnak kan pek hna, sihmanhsehlaw keimah nakin a ngan deuh ngaingaimi a ra lio. A kedan hri phoihtu hmanh ah kei cu kaa tlak lo. Amah nih cun Thiang Thlarau le mei in tipilnak an pek hna lai.

JOHAN 1:26

Johan nih cun, “Kei nih cun ti in tipilnak kan pek hna, sihmanhsehlaw nan lakah hin nan hngalh lomi,

JOHAN 1:33

Amah cu ka rak hngal ṭhiamṭhiam lo, sihmanhsehlaw ti in tipilnak va pe hna tiah a ka thlahtu nih khan, ‘Mi pakhatkhat cungah Thiang Thlarau kha a rung ṭum i aa fut kha na hmuh tikah, cu pa cu Thiang thlarau in tipilnak a petu hna ding cu a si ti kha na hngalh lai,’ a ka ti.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 16:4

Hi bantukin nan cung i an tuah caan kha a phak tikah, nannih nih a rak kan chimh cang ti kha nan lung ah a hung pem nakhnga hi bia hi kan chimh hna,” a ti. “Keimah kha nan sin i ka rak um ko caah hi bia hi a hramthawkte khan ka rak in chim hna lo.

LAMKALTU 1:5

Johan nih cun ti in tipilnak a pek hna, sihmanhsehlaw kan hmailei ni tlawmte chungah hin Thiang Thlarau in tipilpek nan si lai,” tiah a ti.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

2 PETER 3:1

Ka dawtmi ka hawile hna, atu i ca kan kuatmi hna hi a pahnihnak a si. Ka ca chungah, an pahnih tein, tuah kaa zuammi cu, nan lung chung i ruahnak thiang ṭhanghter kha a si i cucaah cun hi thil hi kan chimh ṭhan lengmang hna.